web counter
LEXO PA REKLAMA!

SHKARKO APP

App Store
Google Play

Situata në Kuvend/ Bylykbashi tregon çfarë i kanë kërkuar ndërkombëtarët Ramës

5 Dhjetor 2023, 21:43, Politikë CNA
Situata në Kuvend/ Bylykbashi tregon çfarë i kanë
Nënkryetari i PD-së, Oerd Bylykbashi

Nënkryetari i PD-së, Oerd Bylykbashi ka folur për situatën brenda partisë dhe aksionin opozitar.

Gjatë një interviste në emisionin “A show”, Bylykbashi tha se ndërkombëtarët i kanë kërkuar kryeministrit Edi Rama që të lejojë ngritjen e komisioneve hetimore.

Sipas Bylykbashit edhe kjo nuk i zgjidh problemet që po ndodhin aktualisht.

“Nuk do ta zgjidhë një komision, problemin e shitblerjes së votës, edhe pse vota këtu ka vdekur, sepse e kanë blerë që më përpara dhe në kuti shkon për tu varrosur”, tha Bylykbashi.

“Kur dy palët kanë të drejtë, 50 me 50, si mazhoranca dhe opozita, ndërkombëtarët si rregull i kërkojnë qeverisë që të bëjë hapin tjetër.

Është shumë e pritshme dhe sinjalet e para erdhën, ata i kërkojnë Ramës që të ngrejë komisione hetimore, sepse ato janë, siç e tha ambasadori gjerman, janë funksion thelbësor i parlamentit, kontrolli parlamentar është funksion kryesor.

Që do të thotë se kanë hyrë në lojë, se sa më larg do të shkojë kjo situatë, do të shpërthejë.

Në vende si Shqipëria, ndërkombëtarët ndërhyjnë për të kanalizuar krizën, drejt diçkaje normale. Problemi është se edhe ngritja e komisioneve, apo rikthimi i të drejtës tonë në komisionin e reformës zgjedhore, nuk i zgjidh problematikat.

Nuk do ta zgjidhë një komision, problemin e shitblerjes së votës, edhe pse vota këtu ka vdekur, sepse e kanë blerë që më përpara dhe në kuti shkon për tu varrosur.

Duhet që tronditja të jetë e fortë përpara, që kur të vijmë në zgjedhje, siç ndodhi në vitin 2005, të jetë një situatë normale, ku vota bën diferencën.

Sot kjo situatë është anormale. Parlamenti është një gotë e vogël për të përmbajtur gjithë atë zhvillim që do të ketë opozita”, tha Oerd Bylykbashi./ CNA





Lajmet e fundit nga