web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ COP 28, Balluku zhvillon takimet e rëndësishme në Dubai

5 Dhjetor 2023, 19:04, Politikë CNA
FOTO/ COP 28, Balluku zhvillon takimet e rëndësishme në Dubai
Belinda Balluku gjatë takimeve në Dubai

Zv.kryeministrja Belinda Balluku ndodhet në Dubai ku ka zhvilluar një serë takimesh në kuadër të COP 28.

Në një postim në rrjetet sociale Balluku bën me dije se takimet janë zhvilluar me homologë nga vende të ndryshme të botës dhe përfaqësues nga Sekretariati i Energjisë.

Në emër të Qeverisë Shqiptare, ajo ka prezantuar gjatë Ministerialit të zhvilluar në kuadër të COP 28, të gjitha zhvillimet që ka bërë vendi ynë.

“Dubai - Ditë intensive sot në COP 28 me një sërë takimesh të rëndësishme me kolegët homologë nga vende të ndryshme të botës dhe përfaqësues nga Sekretariati i Energjisë. Një mundësi e mirë për të analizuar dhe koordinuar së bashku mbi objektivat e rëndësishëm që kemi përpara, si trefishimi i fuqisë së instaluar të burimeve të rinovueshme në shkallë globale dhe vendosja e efiçencës së energjisë në fokus të çdo projekti e politike. Në emër të Qeverisë Shqiptare, prezantova gjatë Ministerialit të zhvilluar në kuadër të COP 28, të gjitha zhvillimet që ka bërë vendi ynë në fushën energjetike, projektet e reja që kemi planifikuar të ndërmarrim sa i takon efiçencës së energjisë, si dhe arritjes së targeteve për të cilat jemi angazhuar.”, shkruan Balluku në rrjetet sociale./ CNA





Lajmet e fundit nga