web counter
LEXO PA REKLAMA!

SHKARKO APP

Vrau dhëndrin/ Burg përjetë për Mexhit Picarin, dënohet edhe e bija

7 Dhjetor 2023, 13:54, Aktualitet CNA
Vrau dhëndrin/ Burg përjetë për Mexhit Picarin, dënohet
Mexhit Picari

Gjykata e Apelit të Juridiksionit të Përgjithshëm dha vendimin "burg përjetë" për Mexhit Picarin, i cili vrau me armë dhëndrin e tij, Kudrejt Saliaj.

Ndërsa për Dhurata Saliajn, ish-gruan e Kudrejt Saliajt, u dha dënimi 4 vjet e 6 muaj burg. Kjo e fundit u shpall fajtore për krijim të kushteve për të kryer vrasjen. 

Ngjarja e rëndë ndodhi në vitin 2021. Çifti Dhurata e Kudret Saliaj, ishin në proces divorci për shkak se kishin mosmarrëveshje, kur ndodhi krimi i rëndë në muajin qershor të 2021.

Viktima, Kudret Saliaj mbërriti në një lokal pranë gjykatës së Tiranës, ku priste të zhvillohej seanca e radhës për divorcin dhe ndodhej në praninë e avokatit të tij si dhe një punonjëseje sociale.

Vjehrri i tij Mexhit Picari pasi e vëzhgoi bashkë me të bijën Dhurata Saliaj, e qëlloi për vdekje dhëndrin, teksa në ngjarje mbeti i plagosur edhe avokati Adriatik Cami.

Shkak i sherrit ka qenë kujdestaria e fëmijëve./CNA





Lajmet e fundit nga