web counter
LEXO PA REKLAMA!

SHKARKO APP

App Store
Google Play

Kaosi në Kuvend/ Mesazhi i ambasadës amerikane për politikën

11 Dhjetor 2023, 09:24, Politikë CNA
Kaosi në Kuvend/ Mesazhi i ambasadës amerikane për politikën
David Wisner

I ngarkuari me punë i ambasadës së SHBA-së në Tiranë, David Wisner, në një intervistë për mediat ka komentuar edhe aksionin e opozitës në Kuvend dhe Komisionet Parlamentare. 

Wisner thekson se është shumë e rëndësishme që një vend të ketë opozitë energjike, por shtoi se kanë qenë të shqetësuar duke parë atë që ka ndodhur në seancat e fundit parlamentare. 

Zyrtari i lartë amerikan nënvizon se është i nevojshëm një dialog kontruktiv mes palëve. 

"Siç e kemi pohuar më parë, një opozitë energjike është thelbësore në çdo demokraci të shëndetshme. Thënë kjo, Shtetet e Bashkuara dhe shumë nga partnerët tanë, përfshi Mbretërinë e Bashkuar, Gjermaninë, Italinë dhe BE-në, kemi shprehur shqetësim për ngjarjet që janë zhvilluar në Parlament gjatë muajve të fundit. Sigurisht që mund të ketë mosmarrëveshje për politikat, por ka nevojë për dialog konstruktiv, debat me respekt, si dhe pranimi se zyrtarët e zgjedhur nga çdo parti politike punojnë për njerëzit, për t’u shërbyer qytetarëve shqiptarë, si dhe për ta çuar Shqipërinë përpara në rrugën e saj euro-atlantike. Edhe Kongresi ynë ka debate shumë energjike dhe ndonjëherë plot kundërshti, përfshi edhe nëpërmjet komisioneve tona hetimore. Hetimet tona, në shumë raste, kanë çuar në përparim të rëndësishëm politik dhe të politikave. Si parim i përgjithshëm, mekanizmat legjislativë marrin kohë dhe janë të vështira, por një gamë mjetesh janë me rëndësi për të siguruar që demokracitë t’i debatojnë zhvillimet", është shprehur Wisner./CNA

 

 





Lajmet e fundit nga