web counter
LEXO PA REKLAMA!

SHKARKO APP

App Store
Google Play

Elisa Spiropali, akuza ndaj opozitës/ “Jemi vite dritë larg, i tmerron frika për orën e së vërtetës”

8 Dhjetor 2023, 11:27, Politikë CNA

Elisa Spiropali, akuza ndaj opozitës/ “Jemi vite dritë larg, i

Elisa Spiropali ka mbajtur fjalën e saj në Kongresin e Partisë Socialiste.

Gjatë fjalës së saj ajo ka hedhur një lumë akuzash kundrejt opozitës si për mënyrën se si ka operuar gjatë kohës në pushtet dhe për flakadanët dhe karriget e rrëzuara në parlament.

Ajo tha se “Ne jemi vite dritë larg atyre që po i tmerron ankthi dhe frika për orën e së vërtetës”.

“Shqipëria po vrapon për të kapërcyer pengesat dhe vonesat historike për të bërë në pak vjet atë që të tjerët e kanë bërë në qindra vjet. Ne socialistët kemi dëshmuar se dimë të marrim përgjegjësi dhe të jemi përgjegjës për fatet e Shqipërisë. E ka gdhendur këtë dhe qytetari shqiptar 8 herë në 9 ballafaqime elektorale të njëpasnjëshme nën drejtimin e Edi Ramës. Sfida jonë është e ardhmja dhe projektimi i pakthyeshëm si një vend evropian. Nuk ka asnjë të ardhme të sigurtë pa qortimin e së djeshmes dhe gjithçka nis nga bindja që kriminelët duhet të dënohen.

Vendimi i Strasburgut është një vendim që presim të përkthehet nga sistemi gjyqësor në Shqipëri. Çeta e tkurrur opozitare e një njeriu të vetëm nuk bën gjë tjetër veçse nxjerr vrerë. Është historike ajo që është bërë se drejtësi nuk ka pasur. Filozofia jonë është një. Ne besojmë se suksesi është kolektiv dhe përgjegjësitë janë individuale. Nuk na pengon të shihemi sy ndër sy tymi i flakadanëve, ata ndezin zjarre ne ndërtojmë duke shuar zjarret e tyre. Ne jemi vite dritë larg atyre që po i tmerron ankthi dhe frika për orën e së vërtetës”, tha Spiropali./ CNA





Lajmet e fundit nga