web counter
LEXO PA REKLAMA!

SHKARKO APP

App Store
Google Play

Kaosit në Kuvend/ Minxhozi: Reagim i ashpër i një dyzinë burrash, ndodhemi në fundin e rrugës

7 Dhjetor 2023, 17:49, Politikë CNA
Kaosit në Kuvend/ Minxhozi: Reagim i ashpër i një
Analisti, Skënder Minxhozi

Analisti, Skënder Minxhozi ka folur lidhur me aksionin opozitar dhe sjelljen e deputetëve në seancën e sotme plenare ku u miratua dhe buxheti 2024.

Ai tha se u pa një sallë e dalë jashtë kontrollit dhe ka lënë mënjanë çdo lloj filtri edhe kur diskutohen miliardat e shqiptarëve.

“Pamë një gjysmë salle të dalë jashtë kontrollit dhe ka lënë mënjanë çdo lloj filtri edhe kur diskutohen miliardat e shqiptarëve. Nëse në këtë moment kaq deciziv për të gjithë mbarëvajtjen ecurinë e jetës tonë ekonomike e sociale ne shohim këtë shkallë agresiviteti dhe mungesë vullneti për t’u ulur edhe arsyetuar, imagjinoni se si do të jetë pjesa tjetër. Në këtë gjendje nuk ndodhemi rastësisht.”, tha  Minxhozi.

Analisti thotë se ndodhemi në fundin e rrugës që opozita kishte planifikuar për të shkaktuar këtë kaos.

“Ndodhemi në fundin e rrugës që opozita kishte planifikuar për të shkaktuar këtë kaos. Në mungesën totale të një reagimi popullor dhe të një fryme nga ana e votuesve të saj, kjo ka qenë një parti që lidhjen organike me votuesin e saj e ka kthyer në një markë. Të drejtat e opozitës i konsideroj të rëndësishme dhe mëse legjitime dhe që duhet të përmbushen brenda një kuadri rregullash. Por ka rrugë për t’i arritur ato.”, u shpreh ai.

Minxhozi e sheh aksionin opozitar si një reagim të ashpër të një dyzinë burrash që po veprojnë në mesin e një diference kolektive totale të atij që quhet popull.

“Qoftë edhe pjesërisht sepse politika është kompromis. Këtu kemi një sjellje shumë të ashpër që megjithëse e vendos në tryezë kërkesën për Komisionet Hetimore që i takon opozitës, nga ana tjetër kur kjo vihet përballë një ligji kaq të rëndësishëm si buxheti i shtetit, të njëjtët njerëz sot preferuan të vazhdojnë avazin e zakonshëm dhe të mos ulin aksionin e tyre vetmitar. Është një reagim i ashpër i një dyzinë burrash që po veprojnë në mesin e një diference kolektive totale të atij që quhet popull”, tha ndër të tjera Minxhozi./ CNA





Lajmet e fundit nga