web counter
LEXO PA REKLAMA!

SHKARKO APP

App Store
Google Play

Miratimi i buxhetit 2024/ Berisha: Parlamenti nuk ekziston, Rama i lidhur me krimin

7 Dhjetor 2023, 12:28, Politikë CNA
Miratimi i buxhetit 2024/ Berisha: Parlamenti nuk ekziston, Rama i lidhur me
Sali Berisha

Kreu i Partisë Demokratike, Sali Berisha, në një konferencë për mediat teksa komentoi votimin e "Buxhetit 2024", theksoi se parlamenti nuk ekziston dhe se aksioni opozitar do të vijojë. 

"Nuk ekziston si parlament që funksionon në bazë të Kushtetutës dhe mosbindja civile e gruoit të PD-së, u dëshmua si mjeti më eficient në histori dhe përmbysi parlamentin e drogës, krimit dhe korrupsionit. Parlamenti dëshmoi para gjithë botës se ça përfaqëson regjimi aktual i Tiranës dhe çfarë përfaqëson vetë Edi Rama. Një njeri i cili i shdërruar në kreun e Meduzës, në sistemin në korruptiv që ekziston sot, kemi një qeveri që lidhet me krimin e drogës, është i aftë në një puç antikushtetues që të marrë në dorë pushtetin dhe parlamentin, këtë ta asgjësojë. Është e vështirë të gjeni ju për të mos thënë të pamundur 43 veta që me lëvizjen e tyre të përmbysin parlamentin e drogës dhe krimit. Një parlament pa zë, një parlament automatësh që ngrenë dhe ulin kartonët. Nëse demokratët nuk do të ishin në beteje të mosbindjes civile deri në mesnatë do të vazhdonin diskutimet. Ai parlament nuk ekziston më. Ai ka bërë grusht shteti kundër shtetit", u shpreh Berisha./CNA

Mes tensioneve e rrëmujës, mazhoranca miratoi sot nen për nen buxhetin e vitit 2024. Disa seanca më parë, socialistët e miratuan në parim buxhetin, ndërsa sot u votua nen për nen dhe më pas në tërësi. Ndonëse opozita nuk mori pjesë në votim, mazhoranca dha 74 vota për buxhetin.

Menjëherë pasi mbylli votimin, kryeparlamentarja Lindita Nikolla mbylli seancën. Konkretisht seanca zgjati vetëm 7 minuta, ndërsa i pranishëm në seancë ishte edhe kryeministri Edi Rama. Opozita shkaktoi tensione dhe ashtu si në seancat e kaluara ndezën tymuese./CNA

 

 

 





Lajmet e fundit nga