E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Komisionet hetimore, debate mes Bardhit dhe Klosit/ “Të dhimbset Pëllumb Gjoka ty?”

7 Dhjetor 2023, 22:31, Politikë CNA

Komisionet hetimore, debate mes Bardhit dhe Klosit/ “Të dhimbset

Gazment Bardhi

Kreu i grupit parlamentar të PD-së, Gazment Bardhi dhe Sekretari i Përgjithshëm i PS-së, Blendi Klosi jaën përfshirë në një debat sa i përket komisioneve hetimore dhe rrëzimin e tyre nga ana e mazhorancës.

Bardhi ka përmendur rrëzimin e ngritjes së komisionit hetimor për rrjedhjen e të dhënave nga sistemi TIMS.

Nga ana tjetër Klosi shprehet se nuk kanë një dokument që të tregojë se ka patur rrjedhje të dhënash. Ndërsa Bardhi tha se nëse do të kishte një dokument nuk do të kërkonte ngritjen e komisioneve hetimore.

Debat në emisionin “Opinion”.

Blendi Klosi: Te pyetja e parë thatë ka një komision hetimor për…

Gazment Bardhi: TIMS-in. Pse nuk e ngrini ju për shembull? A është çështje konkrete kjo?

Blendi Klosi: Po dakord, është çështje konkrete por ku është çështja konkrete?

Gazment Bardhi: Ka një shqetësim dhe një denoncim.

Blendi Klosi: Ju keni dalë, ti dhe disa kolegë…

Gazment Bardhi: Nuk kemi dalë ne mo, ka dalë ambasada e SHBA se the thashetheme. Ka dalë ambasada e SHBA-ve për të na thënë është ndërhyrë në mënyrë të paligjshme në sistemin TIMS.

Blendi Fevziu: TIMS-i është?

Blendi Klosi: Kush është dokumenti që e vërteton që këtu ka një problem?

Gazment Bardhi: Po të kemi dokumentin s’kemi nevojë të hetojmë. Komisionet hetimore prandaj ngrihen, që të marrësh dokumentin.

Blendi Klosi: Prandaj pra ky është gabimi.

Blendi Fevziu: Nga të gjitha komisionet hetimore që mbaj mend unë, nga shkrime gazetash janë ngritur. E ka ngritur amabasada e SHBA-së, ka thënë shumë e shqetësuar.

Blendi Klosi: Për çfarë, konkretisht?

Blendi Fevziu: Ka futur duart në TIMS.

Blendi Klosi: Kush? Ta them edhe këtë tjetrën, kemi thënë për komisionin për investitorët strategjikë. Hajde e marrim dhe kush ka marrë investitorë strategjikë t’i bëjmë copë.

Gazment Bardhi: Të dhimbset Pëllumb Gjoka ty?

Blendi Klosi: Heto rastin këtë thotë kushtetuta dhe ligji. Merr një rast për të shqyrtuar, një çështje të veçantë. Hajde e marrim tani të gjithë investitorët strategjikë dhe po doli gjë mirë, po s’doli t’i bëjmë copë të gjithë investitorët strategjikë./ CNA