web counter
LEXO PA REKLAMA!

SHKARKO APP

App Store
Google Play

Miratimi i projektbuxhetit 2024 në 7 minuta/ Boçi: Rama po konfirmon se ka një regjim

7 Dhjetor 2023, 18:00, Politikë CNA
Miratimi i projektbuxhetit 2024 në 7 minuta/ Boçi: Rama po konfirmon
Nënkryetari i PD-së, Luçiano Boçi

Nënkryetari i PD-së, Luçiano Boçi ka komentuar miratimin e projektbuxhetit të vitit 2024 sot në parlament.

Sipas Boçit , kryeministri Edi Rama, po tregon me veprimet e tij që jemi nën sundimin e një regjimi.

Boçi thekson se opozita nuk është në gabim por në aksionin e saj. Ai nënvizon se protesta risin ndërgjegjësimin qytetar.

“Opozita nuk është në gabim, është në aksionin e saj. Unë do të thoja që ka diçka të re në aksionin opozitar. Rama me veprimet e tij kërkon të konfirmojë sundimin e tij dhe atë që ekziston de facto në Shqipëri, që jemi në sundimin e një regjimi. Kur një ligj nuk i rri mirë në kostumin e tij e ndërron, e bën sipas dëshirës së tij. Kur i duhet një interes nxjerr një ligj apo VKM, kur i duhet të godasë opozitën ndryshon rregulloren, etj.

Se si mund të jetë më shumë se kaq një regjim, nuk e di. Ka mënyra për të hyrë në negociata me opozitën dhe jo të miratohet një buxhet për 7 minuta. Ky buxhet duhet të jetë një diskutim me publikun dhe me përballjen nga opozita.

Përsëritja e skenave bën që ato të bëhen të zakonshme. Nuk do të thotë që të lëmë pas atë që po bëjmë dhe të dalim nga salla, por që në Parlament të sundojë debati. Debati nuk mund të ekzistojë kur mazhoranca nuk lejon ngritjen e komisioneve hetimore.

Protesta ka rezultat sepse rrit ndërgjegjësimin qytetar. Ato krijojnë frymë dhe besim te qytetarët, por edhe vendosin në komunikim politik strukturën politike me qytetarët. Fushatat janë format më të larta, pas tyre vijnë protestat. Nuk mund të themi që protestat nuk kanë rezultate.

Protestat ngjallin besim, kur ka pasur protesta të mëdha ka pasur ndjeshmëri dhe bazë të vërtetë. Sot në një situatë represive në raport me qeverinë të gjithë jemi nën trysni. Janë simptomat e një regjimi, siç e përmenda. Protestat nuk maten nga numri, por nga shpirti dhe qëndrueshmëria”, u shpreh ai mes të tjerash./ CNA





Lajmet e fundit nga