web counter
LEXO PA REKLAMA!

SHKARKO APP

App Store
Google Play

SPAK kërkon "arrest shtëpie"/ Berisha nuk ndal akuzat për inceneratorët

12 Dhjetor 2023, 12:46, Politikë CNA

 

SPAK kërkon "arrest shtëpie"/ Berisha nuk ndal akuzat
Sali Berisha

 

Pak minuta pasi u publikua në media shkresa e SPAK-ut, ku i kërkon Kuvendit autorizimin për "arrest shtëpie" për ish-kryeministrin Sali Berisha, ky i fundit ka dalë në një konferencë për mediat. 

Sali Berisha ka hedhur akuza ndaj kryeministrit Edi Rama, Ëngjëll Agaçit dhe Erion Veliajt për aferën e inceneratorit të Tiranës. Sipas tij, Veliaj është personi përgjegjës për këtë aferë korruptive. 

Berisha nuk ka komentuar ende shkresën që kreu i SPAK-ut i ka dërguar Kuvendit për Berishën për "dhënien e autorizimit për arrestimin e heqjen e lirisë së deputetit nëpërmjet zëvendësimit të masës së sigurisë”.

"Mbrëmë ishte një natë në të cilën mediat e vendit në përgjegjësi të plotë para publikut shqiptar dhe ndërkombëtar faktuan në mënyrën më të pakundërshtueshme se të amnistuarit e SPAK-ut të partisë janë njëkohësisht autorët kryesorë të vjedhjes së shekullit, konkretisht Rama, Agaçi dhe Veliaj. Veliaj falsifikoi mbledhjen e Këshillit Bashkiak. Veliaj është personi kryesor përgjegjës për këtë aferë korruptive. Veliaj është përgjegjës direkt për depozitimin e dherave, nuk ka kryer asnjë shpronësim. Erion Veliaj ka firmosur vetë faqe për faqe kontratën e djegësit të Tiranës, djegës i cili pas gjashtë vitesh, nuk ekziston.
Erion Veliaj ka firmosur vetë të gjitha përgjigjet e letrave të Damian Gjiknurit dhe Belinda Ballukut mbi përgjegjësinë e tij direkte për mbikëqyrjen e punimeve në djegësin e Tiranës, që nuk ekziston.
Erion Veliaj është përgjegjës direkt për pushtimin me dhera të më se 150 mijë metrave katrorë, pa asnjë lloj shpronësimi nga askush të djegësit të Tiranës. Erion Veliaj ka përdorur një seri mekanizmash për vjedhjen e shekullit, që do jenë objekt i konferencave të mëvonshme", u shpreh Berisha./CNA

 

 

 





Lajmet e fundit nga