E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Murrizi “shuplakë” deputetëve demokratë/ Keni vrarë frymën opozitare

12 Dhjetor 2023, 20:38, Politikë CNA

Murrizi “shuplakë” deputetëve demokratë/ Keni

Ish-deputeti Myslim Murrizi

Ish-deputeti Myslim Murrizi ka reaguar me tone të ashpra ndaj opozitës, teksa ka bërë një shkrim për 33-vjetorin e themelimit të Partisë Demokratike.

Murrizi thotë se vendi ndodhet në një regjim të kalbëzuar nga korrupsioni, pothuajse pa opozitë të fortë e të besueshme.

Për këtë ai fajëson vetë opozitën dhe për më tepër ata që kanë ushtruar pushtet në emër të demokratëve, kanë abuzuar me pushtetin, kanë nëpërkëmbur besimin e demokratëve dhe kanë spekuluar me sakrificën e opozitarëve të vërtetë.

Ish-deputeti deklaron se katapultimi në majën e pushtetit të PD-së së individëve pa kontribute, ka vrarë nervin dhe frymën opozitare, si dhe ka venitur besim tek opozita.

Deklarata e plotë:

Dje në 33 vjetorin e krijimit të forcës së parë opozitare pas 45 vitesh komunizën, por në fakt Partia Demokratike është themeluar më datë 12 dhjetor 1990.

Si çdo gjë e falsifikuar nga historia e 111 viteve Shtet në këtë vend, nuk mund të mos ndryshohej edhe kjo datë, e cila për rreth 30 vite është festuar më datë 12 dhjetor.

Fatkeqësisht sot pas 33 vitesh jemi kthyer mbrapa dhe jetojnë pothuajse në vitet 1989-1990 në një regjim të kalbëzuar nga korrupsioni dhe autokrat e pothuajse pa opozitë të fortë, të besueshme dhe dinjitoze në përfaqësim.

Murrizi “shuplakë” deputetëve demokratë/ Keni

E për këtë fajtorë jemi të gjithë nga pak, por më shumë janë ata dhe ato që prej vitesh kanë ushtruar pushtet në emër të demokratëve, kanë abuzuar me pushtetin, kanë nëpërkëmbur besimin e demokratëve dhe kanë spekuluar me sakrificën e opozitarëve të vërtetë.

Heshtja dhe “vrasja” e meritokracisë, katapultimi në krye të PD-së dhe në majën e pushtetit të PD-së së vemjeve, servilëve, lepirësve dhe individëve pa kontribute, ka vrarë nervin opozitar dhe ka venitur besim tek opozita.

Duhet të ringrihemi me kurajo dhe dinjitozë për një rithemelim të opozitës, duke rrespektuar kontributet e gjithsecilit e jo duke zëvendësuar një tufë servilësh me një tufë tjetër lëpirësash dhe individëve pa vlera, pa përfaqësim, pa karakter, thjeshtë për numra e për interesa të ngushta personale.

Rinia e sotme janë fëmijët e rinisë së viteve ’90, e nuk mund t’u bëhet thirrje atyre, pa respektuar mundin dhe sakrificën e asaj rinie të atij dhjetori ’90 që sot janë në kulmin e pjekurisë së tyre në çdo aspect.

Kush mendon që mund të mashtrojë dy breza rresht me të njejtin synim, me të njejtën “kauzë”, me të njejtin stil, metodë e hipokrizi gabohet rëndë dhe ka përgjegjësi direkt për “vrasjen” e frymës opozitare.

Jo të gjithë jemi njëlloj servilë, vemje dhe lëpirësa ndaj kujtdo që mendon se mund të përdorë shpirtin e revoltës së qytetarëve për interesa të ngushta të një grushti njerëzish që vijnë te PD kur ajo është në pushtet dhe ikin në punët e tyre sa herë që PD del në opozitë./ CNA