web counter
LEXO PA REKLAMA!

SHKARKO APP

App Store
Google Play

E fundit!

x

Firma për inceneratorin e Tiranës/ Rama nuk mban asnjë përgjegjësi, si justifikohet

14 Dhjetor 2023, 13:18, Politikë CNA
Firma për inceneratorin e Tiranës/ Rama nuk mban asnjë
Edi Rama

Kryeministri Edi Rama ka bërë lojëra fjalësh teksa është pyetur nga gazetarët për firmën që ka dhënë për ndërtimin e inceneratorit të Tiranës. 

Kreu i qeverisë ia theksoi gazetares se kjo nuk është një pyetje për të. Rama tha më tej se gjithçka ka qenë një bashkim kompetencash dhe se rezultati në fund ka marrë firmën e tij.

Sipas Ramës, firma që ka vendosur në koncensionin për inceneratorin e Tiranës, është zbardhja e një vendimi që merret nga i gjithë procesi. 

"Kjo pyetje ka të njëjtën përgjigje që i dhashë një kolegeje më parë dhe s'ka asnjë përgjigje tjetër. Nuk është pyetje për mua kjo. Unë mbaj përgjegjësi për çdo firmë dhe çdo firmë imja është fryt i një procesi dhe një mekanizmi dhe ai mekanizëm ka në përbërje të vet përfaqësues nga institucione apo nga sfera të ndryshme dhe kanë kompetencat e tyre. Ky bashkim kompetencash sjell një rezultat dhe kur ky rezultat merr edhe firmën time kthehet edhe në një vendim. Këto pyetje nuk janë fare në sferën e kompetencës sime. Nuk përfshihem në kalkulimet e natyrës politike. Përgjigjja ime është imja. Qeveria është mekanizëm që funksionon si zinxhir me shumë hallka. Firma është zbardhja e një vendimi që merret nga i gjithë procesi", u shpreh Rama. 

Pak ditë më parë u publikuan dokumentet ku dallohen firmat e kryeministrit Edi Rama, Sekretarit të Përgjithëm në Kryeministri Ëngjëll Agaçi, kreut të Bashkisë Tiranë, Erion Veliaj, dhe ish-ministrit të Mjedisit, Lefter Koka, për ndërtimin e inceneratorit të Tiranës. 

Në një nga shkresat, cila mban datën 7 dhjetor 2016, kryeministri Edi Rama firmosi për miratimin e bonusit prej 8% që t'i jepet shoqërisë "Integated Energy B.V" sh.p.k për rezultatin teknik dhe financiar në procedurën përzgjedhëse konkurruese për dhënien me koncesion të ndërtimit të landfillit, inceneratorit dhe rehabilitimin e venddepozitimeve ekzistuese të Tiranës.

Rama nëpërmjet dokumentit ngarkon ministrin e Mjedisit të asaj kohe, Lefter Kokën, që të zbatojë këtë vendim. Në dokumente shfaqet edhe firma e Sekretarit të Përgjithshëm Ëngjëll Agaçit si dhe e Lefter Kokës./CNA

 

 





Lajmet e fundit nga