web counter
LEXO PA REKLAMA!

SHKARKO APP

App Store
Google Play

E fundit!

x

Kaosi në Kuvend/ Tabaku: Nuk jam dakord me këto mënyra! Kjo është tirania e shumicës

14 Dhjetor 2023, 17:08, Politikë CNA
Kaosi në Kuvend/ Tabaku: Nuk jam dakord me këto mënyra! Kjo
Jorida Tabaku

Deputetja e Partisë Demokratike, Jorida Tabaku ka folur lidhur me situatën e krijuar në Kuvend.

Ai tha se nuk është dakord për këto mënyra të të bërit opozitë.

Sipas saj kjo është tirania e shumicës, të uzurpojmë dhe atë hapësirë që kishte opozita në parlament.

“Unë nuk jam dakord për këto mënyra, ia kam thënë zotit Badhi, ia kam thënë kolegëve, kemi diskutuar dhe me njëri tjetrin. Ata mendojnë që e vetmja mënyrë për të tërhequr vëmendjen është kjo, e vetmja mënyrë për të thënë që 8 komisione hetimore në një vit e gjysmë janë rrëzuar, e vetmja mënyrë për të thënë që kryetarja e Kuvendit nuk njeh kreun e grupit parlamentar, e vetmja mënyrë për të treguar që e gjithë hapësira parlamentare është e zënë.

Çfarë duhet të bëjë opozita kur në mesin e një krize parlamentare ndryshohet rregullorja në mënyrë të njëanshme. Kjo është tirania e shumicës, të uzurpojmë dhe atë hapësirë që kishte opozita në parlament. Në 2013 ka qenë një nga kushtet e integrimit që rregullorja e parlamentit ndryshohet në mënyrë konsensuale, ligji për komisionet hetimore në mënyrë konsensuale, ashtu sikurse dhe Kodi Zgjedhor”, tha Tabaku./ CNA





Lajmet e fundit nga