web counter
LEXO PA REKLAMA!

SHKARKO APP

App Store
Google Play

E fundit!

x

Çfarë pritet të ndodhë të hënën/ Detaje nga protesta e opozitës

15 Dhjetor 2023, 13:30, Politikë CNA
Çfarë pritet të ndodhë të hënën/ Detaje nga
Sali Berisha

Ish-kryeministri Sali Berisha ka deklaruar se Partia Demokratike ka nisur protestat për të rrëzuar Ramën nga qeveria.

Berisha gjatë një konference me gazetarët nuk dha detaje nga protesta e së hënës, teksa u pyet nëse do të jetë paqësore apo jo. Ai nënvizoi se do të ketë një zinxhir protestash dhe tha se tani do të fillojmë stinën e protestave.

Ndërsa për protestën e ditës së enjte ai tha se do të zhvillohet para parlamentit. 

"Të enjten do të jemi para parlamentit. Kemi filluar protestat për rrëzimin e qeverisë, le të shohim të hënën se çfarë do të ndodhë. Absolutisht kjo është një protestë vetëm për Shqipërinë. Kemi një dallim shumë të madh me disa arsyetime të sotme. Për ata të cilët njohin totalitarizmin dhe diktaturat, kjo që ndodh në Shqipëri është në mënyrë absolute vendosje e diktaturës mobokraci, diktaturës së bandave. Por ka të tjerë, të cilët nuk mendojnë kështu sepse shohin që parlamenti ka disa forca politike. Shohin që mediat po kontrollohen, po ka edhe ndonjë zë të lirë. Shohin që njerëzit lëvizin lirshëm, shkojnë e vijnë. Por mobokracia, diktatura e bandave nuk është kurrë një diktaturë me burgje dhe kampe përqendrimi. Diktatura e bandave nuk është kurrë me izolim. Diktatura e bandave është diktaturë sepse njëlloj si në diktaturë ideologjike, të gjitha pushtetet përqendrohen në dorën e padrinos, në dorën e një njeriu. Diktatura e bandave vërtet ka zgjedhje periodike, por bandat përcaktojnë rezultatin. Dhe padrinoja vendos një kuadër të të tërë joligjor për të kontrolluar vullnetin e qytetarëve. Dhe këto janë realitet, nuk janë shpikje tona. Dhe dramatike është se njerëzit besojnë se këtu u zhvilluan zgjedhje dhe ky i mori. Jo mo nuk i mori. Se nëse i heq këtij në zgjedhjet e fundit 583 mijë zarfa, nëse i heq këtij dhjetëra mijëra patronazhistë që qëndronin si polici politike ndaj votuesve, nëse i heq këtij largimin nga qendrat e votimit të 1.3 milionë zgjedhësve, nëse i heq këtij paratë nën dorë të pafundme, shpërndarjen e mbi 500 milionë euro investime, tërmetet, etj, ky mor zotëri të garantoj se kurrë nuk merr më shumë se votat e atyre që vjedhin me të. Mirëpo ne prapë jemi në kushte se diktatura e bandave është një lloj i ri diktature. Ku ti je në parlament, po ai t’i mohon të gjitha të drejtat dhe të bën të paqenë", tha Berisha./CNA

 

 

 





Lajmet e fundit nga