web counter
LEXO PA REKLAMA!

SHKARKO APP

App Store
Google Play

Firmosi për të gjithë qarkun e Tiranës tek inceneratori/ Veliaj: Gënjeshtër

14 Dhjetor 2023, 21:40, Politikë CNA
Firmosi për të gjithë qarkun e Tiranës tek inceneratori/
Kryebashkiaku Erion Veliaj

Kryebashkiaku Erion Veliaj është pyetur mbrëmjen e sotme për aferën në inceneratorin e Tiranës dhe dokumentet e firmosura nga vetë ai.

Konkretisht, Veliaj foli për dokumentin që mban firmën e tij, ku ai angazhohet për kontratën pa u konsultuar me bashkitë e qarkut Tiranë.

Kryebashkiaku socialist pranoi se ka firmosur por pretendon se është gënjeshtër që ka marrë përgjegjësi për të gjithë qarkun.

“Gënjeshtra konkrete është që kanë firmosur në emër të qarkut. Kjo është logoja e Bashkisë së Tiranës, është firmosur nga kryetari i Bashkisë së Tiranës, jemi parimisht dakord përsa i përket rolit të bashkisë. Sa mbetje prodhon Tirana, kur është sezoni i këtyre mbetjeve, në verë ka më pak mbetje se një pjesë e madhe janë pushim. Kështu që kontributi ynë në këtë proces ka qenë për të dhënë të gjithë informacionin se sa përballohet në Bashkinë e Tiranës.

Kështu që e gjithë legjenda urbane se sa janë ndërtuar në emër të të gjithë qarkut të Tiranës bie poshtë, është përgjigjur më vete kryetari i bashkisë së Vorës, më vete kryetari i bashkisë së Kavajës. Në ato vite kanë qene të forcës politike që i ngre këto akuza. Unë e kuptoj se çfarë hallesh kanë, hallet që kanë familja Berisha, familja Meta, mos i pastë njëri në këtë botë, ua kuptoj pse kërcen nga belaja gjithë kjo orkestër, por ky nuk është halli im. Duhet të kuptoni që bashkia e Tiranës ngre komisione çdo ditë, ku do të vendosen stacionet e autobusave, ku do të jenë kazanët e plehrave, ku do jetë kopshti i ri, cerdhja e re, është një punë rutinë”, theksoi ai./ CNA





Lajmet e fundit nga