web counter
LEXO PA REKLAMA!

SHKARKO APP

App Store
Google Play

Bërryla në PS për inceneratorët?/ Si përgjigjet Veliaj

14 Dhjetor 2023, 22:14, Politikë CNA
Bërryla në PS për inceneratorët?/ Si përgjigjet Veliaj
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj u pyet mbrëmjen e sotme nëse ka bërryla brenda Partisë Socialiste, në lidhje me inceneratorët pas arrestimeve për llogari të SPAK.

Veliaj nuk e pranoi një gjë të tillë, teksa tha se në PS nuk ka energji të tilla të harxhuara kot.

Ai deklaroi në një intervistë me Sokol Ballën se po mendon për zgjedhjet e vitit 2025, ndërsa hodhi akuza ndaj PD-së.

“As nuk e mendoj fare këtë, as e mendoj fare se Partia Socialiste ka idera të tilla ose energji të tilla të harxhuar kot. Kemi një fokus të jashtëzakonshëm tani, për zgjedhjet e 2025. Unë si drejtues i qarkut të Tiranës, nëse do më besohet prapë kjo detyrë, edhe për këtë betejë të tretë të madhe, jam super i përgatitur që të kemi një rezultat edhe më të mirë. Kjo është punë me zarar, është fushë me mina. Kam treguar integritet në çdo veprim, dhe pse e kam ditur se edhe pse ndoshta si parardhësi, mënyra më e mirë për të mos hapur konflikte, është të mos bësh gjë. Ne ishim mësuar me mungesën e pusetave, sa njerëz binin te ajo lulishtja para presidencës. Ne u mësuam edhe me atë, nuk na bëri përshtypje. Ne ishim mësuar me të keqen, në këtë lloj vendi, mënyra më e mirë për të mos hapur konflitke, është të mos bëja asgjë, por vendosa të bëj gjëra. Do e mbyll teatrin këtë mandat, do e mbyll bulevardin në këtë mandat, kemi marrë një grant nga qeveria e Katarit. Sot jemi dhjetë herë më mirë se sa kemi qenë. E mira nuk ka fund, por Tirana nuk i ka pasur punët më mirë.”, theksoi ai./ CNA





Lajmet e fundit nga