E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Veliaj “fundos” Bashën/ “Luli bëri studimin për trajtimin e mbetjeve në Tiranë”

14 Dhjetor 2023, 21:58, Politikë CNA

Veliaj “fundos” Bashën/ “Luli bëri studimin për

Kryetari i bashkisë së Tiranës, Erion Veliaj, ka “fundosur” Lulzim Bashën në çështjen e inceneratorit të Tiranës.

Veliaj tha në një intervistë me Sokol Ballën se landfilli i Sharrës nuk ka qenë iniciativë e bashkisë së drejtuar prej tij.

Ai pretendoi se studimi i IFC-së për trajtimin e mbetjeve në kryeqytet është kërkuar nga administrata e Lulzim Bashës, në vitin 2015, kohë kur ky i fundit ka qenë kryebashkiak.

Kryebashkiaku socialist deklaroi se në kohën kur mori bashkinë, raportin për studimin e fizibilitetit e mori të gatshëm nga Basha dhe sipas tij trajtimi i mbetjeve ishte me çmim 37euro/ton.

“Ish-kryetari i Bashkisë, z. Basha, me të drejtë, i asistuar nga Banka Botërore, bën një studim me konsulentë të huaj të IFC-së, të cilët shikojnë nevojat për trajtimin e mbetjeve të Tiranës. Tirana atëherë, sigurisht ishte më e vogël – në mos gaboj prodhonte 400-500 ton mbetje në ditë, kurse sot jemi te 700-800 ton/ditë mbetje, kurse për festa kalojmë në 1000 ton/ditë. Në atë kohë, kolegët e IFC, Bankës Botërore, pasi ndërrohet administrata, vijnë te unë dhe thonë se ka ngelur edhe fundi i konsulencës sepse studimi i fizibilitetit ishte bërë si bashkëfinancim mes Bashkisë së Tiranës dhe Bankës Botërore e IFC-së, dhe e marr të gatshëm raportin. Raporti i bërë nga ajo administratë ka arritur në përfundimin për 37 euro/ton. Duke qenë se ishte kryer e gjithë puna para se të vija unë në bashki, i lindi detyrimi kryetarit të bashkisë që t’ia paraqiste qeverisë se çfarë kishte bërë administrata më përpara. Ky është ai raporti i 2015-ës. Në 2015 qeveria thotë se me çmim 37euro/ton është shumë. Me të drejtë, dhe e refuzon. Pra, Bashkia e Tiranës nuk ka iniciuar kurrë më iniciativa të tilla, pasi mbaroi edhe detyrimet financiare të konsulencës me IFC-në dhe Bankën Botërore”, theksoi Veliaj./ CNA