web counter
LEXO PA REKLAMA!

SHKARKO APP

App Store
Google Play

E fundit!

x

SHKRESA/ Zyrtarët e Bashkisë Tiranë dhe Koka "në vrap" për dhënien me koncesion të inceneratorit

15 Dhjetor 2023, 13:40, Politikë CNA
SHKRESA/ Zyrtarët e Bashkisë Tiranë dhe Koka "në
Erion Veliaj

Ish-deputeti dhe anëtari i Kryesisë së Partisë Demokratike, Belind Këlliçi, ka publikuar sot një tjetër dokument për inceneratorin e Tiranës. 

Këlliçi publikoi një shkresë të ish-ministrit të Mjedisit, Lefter Kokës, e datës 7 nëntor 2016, drejtuar 5 ministrave, ku paraqitet relacioni për dhënien e bonusit prej 8 pikësh. 

Nëpërmjet kësaj shkrese Lefter Koka thekson se inceneratori i Tiranës është një prej përparësive kryesore.

Theksojmë se komisioni i ngritur nga ministri i Mjedisit për dhënien me koncesion ka në përbërjen e tij përfaqësues nga Bashkia Tiranë. 

Këta të fundit, pra zyrtarët e Erion Veliajt kanë kërkuar përfundimin sa më të shpejtë të saj, sepse projekti i propozuar për t'u dhënë me koncesion është një nga prioritetet e këtij institucioni.

"Pra e thotë vetë Lefter Koka, që nuk e ka bërë shteti, siç tentonte Erion Veliaj dje që të ia hidhte fajin Edi Ramës dhe Lefter Kokës, por është vetë kryetari i bashkisë që ka nisur fushatën e njoftimit të publikut dhe që këtë projekt, inceneratorin e Tiranës e ka një prej përparësive kryesore", theksoi Këlliçi.

Deklarata e plotë:

E dyta, ditën e djeshme Erion Veliaj tha se ai nuk po hetohet, dha garanci se është ai që kontrollon SPAK. Ai nuk po hetohet se nuk ka bërë asgjë.
Dhe se SPAK duhet të ketë masa më të lehta për titullarët e bashkisë Tiranë, Taulantin dhe një drejtor që ka qenë në pension se ata u vetëdorëzuan.
Sepse ka qenë Erion Velaij që i ka dhënë garanci të plotë, siç i dha Edi Rama, Lefter Kokës se do të bësh vetëm 6 muaj burg dhe sot mund të dënohet me 16 vite.
Unë i bëj thirrje punonjësve të bashkisë Tiranë, të gjithë titullarëve, të refuzojnë të firmosin dokumente të paligjshme dhe të refuzojnë të bëjnë burgun për hajdutin më të madh që ka parë Tirana, që është Erion Veliaj.
Ky individ që dje ka thënë se nuk ka asnjë lidhje me këtë projekt dhe se detyra e tij është të çojë vetëm plehrat në landfill, mjafton të ju tregojmë një tjetër dokument që del për herë të parë që është relacioni për bonusin prej 8 pikëve dhe ta kuptoni se cili është roli i tij.
Kjo është një shkresë e Lefter Kokës e datës 7 nëntor 2016, drejtuar 5 ministrave dhe është relacioni për dhënien e bonusit prej 8 pikësh dhe e fundos Edi Ramën me firmën e tij.
E shkruan vetë e zezë mbi të bardhë, Lefter Koka; në lidhje me rekomandimin për sqarimin e faktit nëse projekti mbivendoset me procedura të tjera në bashkinë e Tiranës, ju bëj me dije se ky projekt nuk mbivendoset mbi asnjë tjetër.
Ky fakt është i sigurtë pasi komisioni i ngritur nga Ministri i Mjedisit për dhënien me koncesion ka në përbërjen e tij përfaqësues nga bashkia Tiranë, të cilët jo vetëm po punojnë për përfundimin e procedurës, por po kërkojnë përfundimin sa më të shpejtë të saj, sepse projekti i propozuar për tu dhënë me koncesion është një nga prioritetet e këtij institucioni.
Madje vetë kryetari i Bashkisë Tiranë, që me ngritjen e komisionit për dhënien me koncesion ka filluar fushatën e njoftimit të publikut në lidhje me këtë projekt.
Pra e thotë vetë Lefter Koka, që nuk e ka bërë shteti, siç tentonte Erion Veliaj dje që të ja hidhte fajin Edi Ramës dhe Lefter Kokës, por është vetë kryetari i bashkisë që ka nisur fushatën e njoftimit të publikut dhe që këtë projekt, inceneratorin e Tiranës e ka një prej përparësive kryesore./CNA

 

 





Lajmet e fundit nga