web counter
LEXO PA REKLAMA!

SHKARKO APP

Lobimi i LSI në SHBA/ Kryemadhi: Nuk jam thirrur për të dëshmuar, SPAK s’ka akuza ndaj Metës

15 Dhjetor 2023, 21:06, Politikë CNA
Lobimi i LSI në SHBA/ Kryemadhi: Nuk jam thirrur për të
Deputetja Monika Kryemadhi

Deputetja Monika Kryemadhi ka folur këtë të premte për hetimet e SPAK në lidhje me lobimin e LSI-së në SHBA.

Kryemadhi pretendoi se LSI-ja, tashmë e quajtur Partia e Lirisë, i ka të gjitha transaksionet me faturë bankare dhe të ligjshme.

Ajo deklaroi se SPAK nuk i ka komunikuar asnjë akuzë Ilir Metës. Gjithashtu, Kryemadhi deklaroi se nuk është thirrur asnjëherë për të dëshmuar në lidhje me këtë dosje.

“Nuk jam thirrur për të dëshmuar. Dosja e lobimit, pra të gjitha paditë e Erion Veliajt është lobimi, hetimi pasuror imi i familjarëve të mi, operacionet plastike, off-shoret, sigurisht që çështja e lobimit është në hetim edhe kur janë thirrur përfaqësues të PL dhe ish-LSI, për një gjë të jeni të bindur se çdo gjë është e dokumentuar me fatura. Ajo që është shqetësuese është kur injoranca dominim mbi vërtetësinë, në SHBA nuk çon njeri para cash, dhe nuk ka kompani në SHBA që deklaron se ka marrë para cash. Dhe PL, dhe Ish-LSI e ka bërë çdo gjë me para në bankë dhe me faturë. Zero akuza i ka bërë SPAK Ilir Metës”, theksoi Kryemadhi në një intervistë me Isa Myzyrajn./ CNA





Lajmet e fundit nga