web counter
LEXO PA REKLAMA!

SHKARKO APP

App Store
Google Play

“E nisëm me 30 veta dhe u bëmë 300 mijë”/ Berisha: Historia na fton në kthesë

18 Dhjetor 2023, 13:05, Politikë CNA

“E nisëm me 30 veta dhe u bëmë 300 mijë”/

Ish-kryeministri Sali Berisha kujtoi shtatorin e vitit 1997 në protestën që po zhvillohet para Kryesisë së Kuvendit.

Berisha tha se PD nuk u shua atëherë, por u rrit kur të gjithë mendonin se do të shkrihej.

Ai deklaroi se kështu do të ndodhë edhe tashmë, opozita do të rritet, pavarësisht përpjekjeve për ta vrarë atë.

“Sot nuk jemi 30, as 50, por qindra herë më shumë, por sot ne jemi në mision të njëjtë. Në shtator të vitit ’97, Partinë Demokratike në Shqipëri dhe në botë, të shumtë, më të shumtit, e menduan se ajo përfundoi në arkivat, kalendat e historisë, por ata u gabuan.

Asokohe, njëlloj si tani, një prokuror xhelat i sigurimit të shtetit për krime kundër njerëzimit dhe parlamenti i hoqi imunitetin 8 muaj para se Haga të akuzonte Millosheviçin. Ne e nisëm me 30 veta në oborrin e selisë, u bëmë 300, u bëmë 3 mijë, u bëmë 30 mijë dhe 300 mijë e u kthyem me votën në pushtet. U kthyem me votën e lirë në pushtet sepse ata 30 qytetarë që erdhën në oborrin e PD-së ishin 30 luftëtarë lirie.

Edhe sot ne jemi këtu për idealet e lirisë, jemi këtu në një kthesë që na fton historia. Jemi këtu në një betim që kërkon e sotmja dhe e ardhmja jonë. Jemi këtu për t’i komunikuar Edi Ramës, këtij armiku të egër të qenies së shqiptarëve, se është i dënuar përjetë. Edi Rama, bir xhelati, nip xhelati, ke vite që sillesh si xhelat me votën e shqiptarëve, ke vite që shqiptarët votojnë dhe ti nxjerr hanxharët e krimit dhe të bandave për të ekzekutuar votën e tyre”, theksoi ai./ CNA





Lajmet e fundit nga