web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Këshillit të Mandateve/ Lubonja: Synimi, eleminimi politik dhe burgosja e Berishës

18 Dhjetor 2023, 18:05, Aktualitet CNA
Vendimi i Këshillit të Mandateve/ Lubonja: Synimi, eleminimi politik
Analisti Fatos Lubonja

Analisti Fatos Lubonja ka komentuar vendimin e marrë nga Këshilli i Mandateve të cilët votuan pro heqjes së imunitetit të ish-kryeministrit Sali Berisha.

Lubonja theksoi faktin se ky është një proces gradual të cilin Rama e ka ndërtuar me regjimin dhe instrumentat e tij përfshirë dhe SPAK.

Sipas analistit synimi është eleminimi politik dhe burgosja e ish kryeministrit Sali Berisha.

 “Ky është një proces gradual sipas parimit “qeveria e kap lepurin me qerre”, pasi Rama e ka ndërtuar regjimin me gjithë instrumentet e veta, përfshirë edhe SPAK. Tani po bën këtë operacion që po shkon drejt fundit që ka të bëjë me eliminimin politik ose burgosjen e Sali Berishës.

Për një pjesë mbështetësish të tij, Berisha në burg mund të jetë motiv mllefi, por nga ana tjetër kuptohet se ka edhe limitet e moshës, etj. Gjithë energjia që ka derdhur deri më tani ka qenë e rëndësishme.

Një herë kërkuan heqjen e pasaportës, pastaj thanë meqë nuk përgjigjesh po të fusim në shtëpi, por aty mund të ketë mënyrë tjetër për të vepruar dhe më pas mund të vijë burgu. Për mua këtu me dashje, pa dashje, po e kthejnë në një martir të pjesës së vetë.

Bardhi po i thoshte Xhaçkës që po e pret burgu, pra nga SPAK-u, nga ana tjetër është Berisha që thotë se SPAK është instrument i Ramës. Unë besoj këtë të dytën”, tha Lubonja./ CNA





Lajmet e fundit nga