web counter
LEXO PA REKLAMA!

SHKARKO APP

App Store
Google Play

Publikohen dokumentet/ Gjykatësja Irena Gjoka është shkarkuar nga Sali Berisha në 1996

18 Dhjetor 2023, 15:16, Aktualitet CNA
Publikohen dokumentet/ Gjykatësja Irena Gjoka është shkarkuar nga
Irena Gjoka

Irena Gjoka është një nga gjyqtaret që ka shqyrtuar çështjen e ish-kryeministrit Sali Berisha në lidhje me akuzat për korrupsion pasiv për dosjen “Partizani”.

Mbrojtja e ish-kryeministrit Berisha kërkoi përjashtimin e saj nga çështja, pasi ishte në konflikt interesi pasi ai e kishte shkarkuar në vitin 1996 nga detyra.

Sot janë publikuar dokumentet që tregojnë se Irena Gjoka është shkarkuar në '96 nga ish-kryeministri Sali Berisha, asokohe President i Shqipërisë.

"Syri TV" ka publikuar dokumentin e shkarkimit të Irena Maneku (Gjoka) nga Sali Berisha, në cilësinë e Kryetarit të Këshillit të Lartë të Drejtësisë.

Në vendimin Nr.7, i datës 8.02.1996 të Këshillit të Lartë të Drejtësisë, thuhet se: “Irena Maneku shkarkohet nga detyra e gjyqtares për paaftësi në kryerjen e detyrës”.

Kështu Irena Gjoka ka gënjyer para organeve të vetting-ut duke mos deklaruar se është shkarkuar nga detyra.

Rezulton se Irena Gjoka është në konflikt të hapur interesi me çështjen që ka nën hetim për liderin e opozitës, Sali Berisha./ CNA





Lajmet e fundit nga