web counter
LEXO PA REKLAMA!

SHKARKO APP

App Store
Google Play

E fundit!

x

Ushtari i Bashës, në krah të socialistëve/ “PD e ka pasur si standard etik zhveshjen nga imuniteti”

18 Dhjetor 2023, 15:47, Aktualitet CNA
Ushtari i Bashës, në krah të socialistëve/ “PD e ka
Enkelejd Alibeaj

Ushtari i Lulzim Bashës, Enkelejd Alibeaj, si përfaqësues i PD-së së vulës, ka thënë se nuk është i dyzuar në qëndrimin që duhet të mbajë në lidhje me kërkesën e SPAK-ut për ish-kryeministrin Sali Berisha.

Ai u shpreh në mbledhjen e Këshillit të Mandateve, se PD që prej 2007 e ka pasur standard etik dhënien me vullnet të lirë dhe zhveshjes së politikanit nga imuniteti.

“Nuk jam i dyzuar. E konsideroj më specifik qëndrimin që do të mbaj. Jam përfaqësues i PS-së, ndaj dhe në të gjitha konsideratat që do mbaj do parashtroj atë që duhet të jetë qëndrimi i Republikës.

Kemi një barrë gjithsecili prej nesh. Cili është standardi politik, moral, që deputeti i Kuvendit do të duhet të mbajë sa herë ka një kërkesë nga ana e organeve të drejtësisë për dhënien e autorizimit.

PD e ka pasur që në krye të herës nga viti 2007 si një standard, dhënia me vullnet të lirë, zhveshja nga imuniteti.

Ka pasur ministra që e kanë pasur si standard etik.

Sot më shumë se dje e më pak se nesër do duhet të jetë guri i themelit që nuk duhet të ketë asnjë luhatje”, tha Alibeaj./ CNA





Lajmet e fundit nga