web counter
LEXO PA REKLAMA!

SHKARKO APP

App Store
Google Play

Çështja e pambyllur e inceneratorëve

12 Janar 2024, 10:32, Editorial CNA
Çështja e pambyllur e inceneratorëve
Mirel Mërtiri dhe Klodian Zoto

Afera e inceneratorëve është një nga skandalet më të mëdha korruptive të 33 viteve të tranzicionit apo demokracisë shqiptare.

Një aferë 178 milionë euro, ku për herë të parë prokurorët kanë mundur të zbulojnë para paguar ministrave, Sekretarëve të Përgjithshëm, drejtorëve, një shtet i tërë i rënë në gjunjët e njerëzve të inceneratorëve, në një skemë mashtruese nga të njëjtët individë, me “trurin” e tyre Mirel Mërtiri, më pas Klodian Zoto dhe Stela Gugallja.

Çështja e inceneratorëve është e pambyllur.

Çështja e pambyllur e inceneratorëve
Stela Gugallja, Mirel Mërtiri dhe Klodian Zoto

Çështja e inceneratorëve është vërtet e pambyllur, kjo sepse fakte dhe prova të reja dalin, jo thjesht dhe vetëm për Tiranën, por edhe për Fierin e Elbasanin, ku pretendohet se hetimet janë mbyllur dhe çështja ka shkuar në gjykatë.

Ka qenë vetë Mirel Mërtiri, i cili ka ngritur gishtin ndaj prokurorit Klodian Braho, një rast ky për t’i hapur mirë hetimet e Elbasanit, për të parë të gjitha zullumet aty brenda edhe pretendimet e Mirelit me ekspertë të blerë se ishin investuar më shumë para sesa qe projekti.

Pra, Mireli kishte hedhur disa miliona nga xhepat e tij, se ku ishin gjetur ato ngelet për t’u parë, pasi që të hedhësh miliona euro më tepër duhet t’i kesh ato gjendje. Të hetohen të gjitha ashtu siç pretendon Mërtiri deri tek burimet e lekëve qëai ka pagfuar më shumë.

Nga ana tjetër, një histori tjetër që kërkon rihetim apo fakte që mund të çojnë në akuza të reja është edhe Fieri. Pas pretendimeve të Mirel Mërtirit është pretendimi i opozitës se në Fier janë fshehur dokumente të rëndësishme dhe janë shmangur zyrtarë të lartë, përfshirë këtu kryetarë bashkish, Armando Subashi e të tjerë.

Pra, janë dy raste të pambyllura, me një incenerator në Elbasan që është një kazan i madh nafte që do miliona euro karburant që të funksionojë dhe një tjetër në Fier, i cili nuk ka përfunduar pasi kërkon rreth 3 milionë euro të tjera investime.

Të gjithë duan hetimin e fakteve të reja ti hetojnë dhe mirë do ishte që Mërtiri të bëhej i penduar të tregonte bashkëpunëtorët dhe kjo histori të mbyllej me zbulimin se ku shkuan 178 milionë euro.

Tirana, historia e landfillit dhe inceneratorit të kryeqytetit është edhe më e madhe. Aty nuk ekziston inceneratori dhe pas më shumë se 6 vitesh të kontratës koncesionare, pasi po shkojnë drejt vitit të shtatë, kryeqyteti ndodhet në prag emergjence.

Malet me plehra rrezikojnë të kthehen në një bombë ekologjike shkatërrimtare për kryeqytetin dhe ajo që është me e rëndësishme, është fakti se inceneratorët nuk ekzistojnë, nuk funksionojnë, nuk po përdoren, ndërkohë që Shqipëria ka nevojë më shumë se kurrë për t’u pastruar apo për t’i vënë në dispozicion landfillet për shkak të zhvillimit të turizmit e të tjera.

Çështja e inceneratorëve është ende një çështje e pambyllur. 

Është një çështje që duhet hetuar edhe më shpejt akoma edhe me fakte dhe prova të reja dhe përtej zyrtarëve të korruptuar që do të marrin përgjigje përpara drejtësisë, duhet gjetur se ku kanë shkuar milionat e eurove, të taksave të shqiptarëve të varfër, të cilat u nisën për inceneratorët dhe kanë përfunduar në xhepat e një zinxhiri mashtruesish, të korruptuarish dhe banditësh mediatikë, të cilët nuk kursejnë asgjë për të mbushur xhepat e tyre./CNA 

 





14:47 Editorial REDAKSIONALE

Autori i fotos

Gënjeshtari publik, Aldor Nini, tentoi të shfrytëzonte...

Lajmet e fundit nga