E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Inceneratorët/ Mërtiri del me humbje: Kam investuar më shumë sesa kam fituar

18 Dhjetor 2023, 21:58, Aktualitet CNA

Inceneratorët/ Mërtiri del me humbje: Kam investuar më shumë

Mirel Mërtiri dhe tre inceneratorët (Foto montazh)

Mirel Mërtiri ka folur këtë të hënë për miliona euro, të cilat janë shpërdoruar për inceneratorët.

Vlera e shpërdoruar deri më tani rezulton 130 milionë euro.

Edhe pse janë marrë miliona euro dhe nuk ka incenerator, Mërtiri në vend që të tregonte se ku kanë shkuar paratë, tha se ka investuar më shumë sesa ka marrë për inceneratorët.

Ai tha se në impiantin e përpunimit të mbetjeve në Fier diferenca në euro është 2 milionë euro më tepër investime të kryera sesa lekë të marra.

Pjesë nga intervista:

Peka: Ka falsifikuar SPAK-u transferat bankare?

Mërtiri: Patjetër që i ka falsifikuar. Ka falsifikuar vlerat që janë transferuar.

Abilekaj: Koka e ka pranuar. Nuk ka pasur kontestim për faturat. Paratë janë të deklaruara, asnjë nuk i ka mohuar.

Mërtiri: Askush nuk po thotë që veprimet financiare nuk janë kryer. Dosja është e falsifikuar dhe për këtë duhet pyetur zoti Klodian Braho (prokurori).

Këlliçi: Ku kanë shkuar paratë e dhëna për Fierin, Elbasanin dhe Tiranën?

Mërtiri: Nuk mund t’i mbledhësh gjërat në të njëjtën shportë.

Këlliçi: Pse po goditeni nëse nuk jeni fajtor? Pse nuk vini në Tiranë të jepni dëshminë?

Mërtiri: Impianti i përpunimit të mbetjeve në Elbasan, janë investuar 22 milionë euro dhe i gjen nga ekspertë të SPAK-ut. Unë i referohem vlerësimit nga specialistët e emëruar nga SPAK-u. Impianti i përpunimit të mbetjeve në Fier ka një raport vlerësimi i kërkuar gjatë gjykimit të çështjes ku thuhet: Në impiantin e përpunimit të mbetjeve në Fier diferenca në euro, 2 milionë më tepër investime të kryera sesa lekë të marra. Shoqëria ka investuar më shumë.

Peka: Vlera e investuar në Fier nuk është marrë nga inceneratori i Tiranës?

Mërtiri: Në dijeninë time jo.

Peka: SPAK thotë që Mërtiri është pronar i inceneratorit të Tiranës. Kush është pronari i inceneratorit të Tiranës?

Mërtiri: Ne po flasim për çështje në hetim. SPAK më akuzon si pronar de facto./ CNA