web counter
LEXO PA REKLAMA!

SHKARKO APP

App Store
Google Play

E fundit!

x

Mërtiri vijon skenarin/ Hedh “baltë” mbi SPAK-un për të mbuluar aferën

18 Dhjetor 2023, 21:56, Aktualitet CNA

Mërtiri vijon skenarin/ Hedh “baltë” mbi SPAK-un për

"Truri" i inceneratorëve, Mirel Mërtiri, vijon me skenarin duke sulmuar dhe akuzuar SPAK-un, duke thënë se i ka dërguar shkresë, ku ka kërkuar të flasë mbi dosjen e inceneratorëve, por përgjigjet kanë qenë qesharake.

"Unë jam një person që besoj te drejtësia dhe kjo është arsyeja pse nuk kam dalë në media të jap deklarata dhe as të bëj akuza të pavërteta. Kam 3 vjet që pres që institucionin e SPAK-ut të vërë drejtësi dhe të paktën për interesin publik të dalë e vërteta pasi investimet janë kryer të plota, veprat janë aty dhe askush nuk ka dalë prej SPAK-ut dhe të thotë të vërteta, por ka krijuar situata, mashtrime, nga fillimi deri në fund të dosjes. Pasi pritëm gjykatën dhe çfarë do të vendoste duke e ditur që dosja ishte e kontaminuar kështu thuhet: juridikisht provat në dosjen e impiantit të mbetjeve në Elbasan janë të gjitha të manipuluara. I jam drejtuar SPAK-ut, më saktë në fillim Ministrisë së Drejtësisë, dhe pas shkresës së ardhur i jam drejtuar SPAK-ut, më saktë zotit Dumani, kreut të Prokurorisë së Posaçme, që të më jepet mundësia të jap deklarimet e mia në lidhje me atë që po flitet, përgojohet dhe me atë që po ndodh me dosjen e inceneratorëve në Shqipëri”, tha Mërtiri në emisionin e Çim Pekës./ CNA





Lajmet e fundit nga