LEXO PA REKLAMA!

SHKARKO APP

Video - 110 milionë euro për male me plehra/ Pas 6 vitesh në Tiranë s’ka incenerator

21 Tetor 2023, 15:07, Aktualitet CNA

Video - 110 milionë euro për male me plehra/ Pas 6 vitesh në

6 vite më parë, në 31 gusht të 2017-ës, Ministria e Mjedisit lidhi kontratën koncesionare për ndërtim landfilli, inceneratori dhe rehabilitim të venddepozitimeve ekzistuese në Sharrë.

Por 6 vite pas lidhjes së kësaj kontrate, në Sharrë nuk ka ende një incenerator dhe këtë fakt CNA e ka denoncuar disa herë.

Sot CNA sjell disa pamje nga Sharra, ku shihet se inceneratori nuk është ndërtuar ende, ndonëse shqiptarët kanë paguar 110 milionë euro.

Në Sharrë nuk ka incenerator, por vetëm male me plehra. Ky është një fakt që CNA po e denoncon sërish me pamje nga landfilli.

Kjo video vërteton korrupsionin, mashtrimin, abuzimin që i është bërë shqiptarëve ndër vite.

Pamjet tregojnë edhe njëherë skandalin e aferës së shekllit, ku janë përfshirë një ish-ministër, ish-sekretari i tij, ish-zv.kryeministri, ish-zyrtarë të tjerë, media dhe gazetarë.

Tashmë në duart e SPAK janë me mijëra faqe për aferën e shekullit.

Për aferën e provuar të inceneratorëve, SPAK ka marrë masa konkrete dhe ka sekuestruar inceneratorin

Por pavarësisht veprimeve të marra nga SPAK, në Sharrë sërish ka një situatë emergjence dhe prag katastrofe. Kryeqyteti rrezikon shumë

Kjo është skema merimangë, e cila duhet hetuar për të zbuluar se ku kanë shkuar 110 milionë euro për inceneratorin e Tiranës./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Lajmet e fundit nga