web counter
LEXO PA REKLAMA!

SHKARKO APP

App Store
Google Play

Kërcënim mafioz ndaj prokurorit Klodian Braho

19 Dhjetor 2023, 12:42, Aktualitet CNA
Kërcënim mafioz ndaj prokurorit Klodian Braho
Prokurori Klodian Braho

Mirel Mërtiri, njeriu kryesor i inceneratorëve që kërkon të fshihet dhe të mos pranojë publikisht që është ai pronari, por që tashmë SPAK e ka vërtetuar me dokumente dhe fakte, dje, në një dalje të tij, bëri një kërcënim mafioz ndaj prokurorit Klodian Braho.

Jo se ne na vjen keq për Klodian Brahon, kemi qenë kritikë dhe akuzues për punën e tij se duhet të ishte më i thellë në hetime, por ajo që ka bërë Mirel Mërtiri dje në një media opozitare duke sulmuar një prokuror për hallet e gjyqeve të tij në Austri dhe duke nxjerrë të dhëna nga TIMS dhe udhëtime, ishte një kërcënim i mirëfilltë mafioz dhe kriminal.

Pse?

Ishte një kërcënim mafioz sepse Mërtiri tregoi aksesin e tij në TIMS.

Pyetja është e thjeshtë: Si ka mundësi që Mërtiri ka akses në TIMS për një prokuror të SPAK-ut? Kush ia vuri në dispozicion?

Që Mireli foli me gjuhën e gjobaxhinjve të tij mediatikë në “Syri TV” dhe nuk tha asgjë më shumë sesa emisionet speciale dhe kriminale kundër prokurorëve të SPAK-ut apo sulmet kriminale ndaj njerëzve dhe gazetarëve që flasin kundër inceneratorëve dhe kësaj afere.

Mërtiri kaloi në rolin e një sulmi mafioz ndaj prokurorit Klodian Braho, i cili ka udhëhequr hetimet për inceneratorin e Elbasanit.

Mirel Mërtiri kishte akses në TIMS-in e prokurorit të SPAK-ut. Ku e gjeti, lind pyetja?

Nga dje në darkë, pas publikimit të këtij fakti nga Mirel Mërtiri vetë, për të cilin duhet të ketë një akuzë tjetër nga SPAK-u, Ministri i Brendshëm duhet të kishte filluar hetimet, vetë SPAK-u duhet të fillojë hetimet.

Kush ka hyrë në sistemin TIMS ka parë të dhënat e prokurorëve të SPAK-ut dhe ia ka dhënë Mirel Mërtirit? Kush ka parë fluturimet e Klodian Brahos?

Kërcënim mafioz ndaj prokurorit Klodian Braho
Prokurori Klodian Braho

Ky është halli i parë, pastaj hetimi për deklarimet dhe modeklarimet, për veprimet dhe mosveprimet e Klodian Brahos është një hap i dytë.

Së pari, ministri i Brendshëm duhet të fillojë menjëherë hetimin për të gjetur kush e nxori TIMS-in në strukturat e policisë, vetë SPAK-u për të gjetur kush e nxori TIMS-in në strukturat e prokurorisë.

TIMS ka gjithmonë gjurmë, lë gjurmë për këdo që i akseson të dhënat dhe për më tepër muajt e fundit është përfolur për vjedhje. Është akuzuar nga gazetari Fredinand Dervishi se ka pasur vjedhje të të dhënave të TIMS.

Nga ana tjetër, opozita po kërkon një komision hetimor. Megjithëse mediat kanë qenë skeptike, mesa duket opozita ka pasur të drejtë dhe nuk e lejojnë të bëjë një komision hetimor për TIMS-in, çka tregon se djalli fshihet në detaje dhe gazetari Ferdinand Dervishi në denoncimin e tij ka qenë i vërtetë.

Të shqetësuar për TIMS-in kanë qenë edhe përfaqësuesit e SHBA-së në Tiranë. Ambasada ka bërë një deklaratë, ku është treguar e shqetësuar për TIMS-in dhe përdorimin e tij.

Dje pamë se Mirel Mërtiri kishte pasur akses, apo njerëz të tij i kishin dhënë informacion për prokurorin e SPAK-ut, Klodian Braho, “trurit” të inceneratorëve, njeriut që ka udhëhequr një mashtrim korrupsioni dhe aferën kriminale të inceneratorëve nga Elbasani në Fier dhe në Tiranë.

Pra, ministri i Brendshëm duhet të na tregojë vullnetin e tij për të vërtetën e TIMS-it. Gjithashtu, SPAK duhet të hetojë sulmin ndaj prokurorit të këtij institucioni, bërë në media opozitare me qëllime kriminale mafioze dhe nga ana tjetër opozita nuk duhet të ndalet në kërkesën për komision hetimor ndaj TIMS-it, ku mësuam se persona në kërkim, kriminelë, si Mirel Mërtiri, të korruptuar, kanë akses edhe në TIMS dhe bëjnë sulme mafioze ndaj prokurorit./ CNA





Lajmet e fundit nga