web counter
LEXO PA REKLAMA!

SHKARKO APP

App Store
Google Play

E fundit!

x

“Zoti i drogës”/ Autoritetet italiane lirojnë nga burgu Alket Hatinë

19 Dhjetor 2023, 11:21, Aktualitet CNA

“Zoti i drogës”/ Autoritetet italiane lirojnë nga burgu

Autoritetet italiane kanë liruar nga burgu Alket Hatinë, i cili njihet nga të gjithë si “Zoti i drogës”. 50-vjeçari u arrestua në gusht të këtij viti në Durrës me qëllim ekstradimin e tij drejt Italisë.

Ai ishte shpallur në kërkim ndërkombëtar nga Interpol Roma, pasi Gjykata e Apelit e kishte dënuar atë me 20 vite burgim për trafikim të lëndëve narkotike.

Por pas procedurave të kryera, gjykata italiane në Milano ka bërë me dije se Hatija ka vuajtur dënimin në Shqipëri.

Arrestimi i Alket Hatisë në muajin gusht: 

Në muajin gusht, pas arrestimit, policia njoftoi se Hatija ka bashkëpunuar me 40 shtetas të tjerë gjatë periudhës 2003-2004, për aktivitetin e shitjes dhe trafikimit të lëndës narkotike heroinë, nga Shqipëria në Itali.

Kjo nuk ishte hera e parë që 50-vjeçari arrestohet në Shqipëri, pasi iu vendosën prangat edhe në vitin 2017, mbi bazën e urdhrit të kërkimit nga autoritetet italiane, me qëllim për t’u ekstraduar në Itali.

Në 5 mars të vitit 2018, Gjykata e Durrësit refuzoi kërkesën për ekstradimin e Alket Hastisë, dhe i hoqi masën e sigurisë arrest me burg.

Sipas autoriteteve italiane vetëm gjatë viteve 2003-2004, “Zoti i Drogës” ka arritur të trafikojë në Milano 350 kg heroinë e 190 kg kokainë me vlerë rreth 40 milionë euro. Për herë të parë ai u arrestua në vitin 2008 me kërkesë të autoriteteve italiane./CNA

 





Lajmet e fundit nga