web counter
LEXO PA REKLAMA!

SHKARKO APP

App Store
Google Play

E fundit!

x

Ku kanë shkuar miliona euro të inceneratorit të Tiranës?/ Ja përgjigjja e Mirel Mërtirit

18 Dhjetor 2023, 22:23, Aktualitet CNA
Ku kanë shkuar miliona euro të inceneratorit të Tiranës?/ Ja
Foto ilustruese

Vlera që Mirel Mërtiri pranon se ka marrë koncensionari i inceneratorit të Tiranës është 71 milionë euro.

Edhe pse kjo vlerë thuhet të jetë shumë më e madhe, në një intervistë të "Syri TV", Mërtiri u pyet se ku ka shkuar vlera që ai deklaron.

Mërtiri refuzon të japë një përgjigje konkrete.

Ku kanë shkuar miliona euro të inceneratorit të Tiranës?/ Ja
Mirel Mërtiri

Më poshtë gjeni pjesë nga intervista:

Kush është 20 për qind i inceneratorit të Tiranës?

Mërtiri: Kur nuk e di SPAK-u si mund ta kthej unë këtë përgjigje kur çështja është nën hetim.

Këlliçi: Sa është shifra totale? Sa para ka marrë koncensionari i inceneratorit të Tiranës?

Mërtiri: Në dijeninë time deri në vitin 2022 vlera totale është 7 miliardë e 871 milionë lekë, që i bie 71 milionë euro.

Peka: Sa keni marrë nga bankat?

Mërtiri: Po e pësëris edhe një herë dhe nuk dua të bëj lojëra. Numrat që sapo thatë, në dijeninë time nuk ekzistojnë. Herën tjetër këtë merreni si akuzë ndaj meje.

Peka: Pra ju thoni që nëse këto shifra ekzistojnë e merrni si akuzë ndaj jush?

Mërtiri: Po. Këto janë akuza politike. Nuk e di sa ka marrë saktësisht shoqëria nga banka. Numrat që thoni nuk janë të vërteta.

Peka: Janë të dhëna nga thesari i shtetit. Ku kanë shkuar paratë?

Mërtiri: Unë nuk e konfirmoj atë shifër.

Këlliçi: Nëse marrim vlerat që ju dhatë ku kanë shkuar 71 milionë euro?

Mërtiri: Për impiantin e përpunimit të mbetjeve në Tiranë./ CNA





Lajmet e fundit nga