web counter
LEXO PA REKLAMA!

SHKARKO APP

App Store
Google Play

E fundit!

x

Çim Peka dështon "live" me Mirel Mërtirin/ “Shpërthen” gazetari: S’të kam thirrur për sytë e bukur

19 Dhjetor 2023, 11:56, Aktualitet CNA

Çim Peka dështon "live" me Mirel Mërtirin/

Çim Peka kishte të ftuar mbrëmjen e djeshme në emisionin e tij në "Syri TV" Mirel Mërtirin, “trurin” e inceneratorëve, i cili doli nga strofulla dhe sulmoi SPAK-un.

Në fakt, intervista e Pekës dështoi, pasi Mërtiri nuk tha asnjë emër. Sa herë që e pyetën për emra të përveçëm, “truri” i inceneratorëve mohonte të fliste.

Ndonëse u pyet për kryeministrin Edi Rama dhe për kryebashkiakun e Tiranës, Erion Veliaj, Mërtiri “kyçi gojën”.

Pas rreth 3 orësh në studio, intervista përshkallëzoi në ofendime, pasi njeriu kyç i të gjithë aferës nuk dha një përgjigje të plotë, veçse sulmoi prokurorin Klodian Braho dhe SPAK-un.

“Ose deklaroni që i keni vjedhur ju, ose deklaroni pronarët e vërtetë”, tha ndër të tjera Peka.

Gjithashtu gazetari foli me tone të larta ndaj “trurit” të inceneratorëve dhe i shkëputi lidhjen e drejtpërdrejtë.

“Që jeni kaq zemërgjerë. Ore kaq e vështirë e keni të thoni këto nuk ishin aksionet tona. Na detyroi ai që na e dha me 16 VKM brenda ditës, sepe janë aksionet e Edi Ramës dhe Erion Veliajt.

Dhe ju keni dalë në këtë intervistë për të pastruar ata dhe për të bërë pis të tjerët. Dhe ju absolutisht me këtë çfarë keni deklaruar deri tani jeni i zhytur deri këtu.

Zotëri keni marrë 130 milionë euro dhe këtë studio ju nuk e përdorni dot. Nuk mund të vijë SPAK-u se i thotë Rama të vijë në Vjenë tek ti apo në Bullgari ku je, po duhet të vish ti dhe të kthesh paratë dhe me këtë çfarë ke deklaruar deri tani zotëri vetëm keni vjedhur.

Dhe ju nuk mund të abuzoni me këtë fakt. Ose deklaroni që i keni vjedhur ju, ose deklaroni pronarët e vërtetë. Nuk mund të fshiheni dhe t’i çoni SMS Erion Veliajt se çfarë do thojë Mërtiri nesër.

Zotëri ti po fsheh paratë e atyre që keni vjedhur. Merr bonus 8 pikë nga një kompani që nuk ekziston. Ministri i thotë Ramës mos firmos dhe ai firmos.T'i jep ty, për çfarë t’i jep ty, për sytë e bukur?!

Dhe i fshihesh SPAK-ut dhe ndërton alibi se të paska sulmuar një prokuror i SPAK-ut. Po katër prokurorë të tjerë që nuk janë, që janë te inceneratori i Tiranës pse nuk të sulmojnë? Ku i ke faktet. Ju keni dalë me regji zotëri dhe është vetëm skemë hajdutësh. Kthe paratë zotëri dhe ik, natën e mirë. Mbyllja ekranin”, theksoi Çim Peka./ CNA





Lajmet e fundit nga