web counter
LEXO PA REKLAMA!

SHKARKO APP

App Store
Google Play

E fundit!

x

SKENARI/ Rama vërsul Lindita Nikollën kundër SPAK-ut

18 Janar 2024, 12:27, Aktualitet CNA
SKENARI/ Rama vërsul Lindita Nikollën kundër SPAK-ut
Edi Rama dhe Lindita Nikolla

Veprimet e fundit të SPAK-ut, hetimet ndaj shumë ministrave dhe ish-ministrave, zyrtarëve të lartë, kanë bërë që kryeministri Rama të ndezë dritën e kuqe.

Është alarmuar së tepërmi dhe CNA ka mësuar se tashmë kryeministri ka bërë gati një skenar të plotë për të goditur SPAK-un.

Megjithëse kryeministri ka thënë shpesh se ai është flamurtari dhe njeriu që bëri Reformën në Drejtësi, tani duket jo pak i trembur.

CNA dje raportoi se në dy mbledhjet e fundit, në atë të qeverisë ditën e mërkurë dhe në atë me Drejtorët e Përgjithshëm të agjencive dhe Sekretarët e Përgjithshëm të Ministrive ditën e martë, kryeministri Rama kishte thënë "mbyllini derën SPAK-ut, mos i jepni dokumente, mos u dorëzoni para tyre dhe ata duhet t'ju njoftojnë 3 ditë para, procedura, teknikalitete dhe të tjera si këto".

Por CNA ka mësuar se lufta e Ramës me SPAK-un nuk ka filluar dy ditët e fundit.

Udhëzimet janë dhënë nëpërmjet gojës së Lindita Nikollës në mbledhjen që kryeministri zhvilloi në Shëngjin me ministrat e tij dhe me disa nga drejtuesit politikë siç është rasti i Erion Veliajt apo Blendi Çuçit dhe Blendi Klosit.

Nëpërmjet gojës së Lindita Nikollës në Shëngjin është artikuluar kërkesa se parlamenti duhet të kontrollojë SPAK-un, duhet të gjendet një mënyrë që SPAK-ut t'i vendosen frena.

SKENARI/ Rama vërsul Lindita Nikollën kundër SPAK-ut
Kreu i SPAK, Altin Dumani

Kuptohet, parlamenti në shumicë të socialistëve është instrumenti kryesor i kryeministrit në detyrë, zotit Rama, dhe po e përdor këtë të fundit ndoshta për të gjetur një zgjidhje që SPAK-u të ndalet në betejën e tij kundër korrupsionit dhe në akuzat dhe hetimet që po zhvillohen ndaj ministrave apo ish-ministrave.

Lindita Nikolla ka theksuar se duhet patjetër një kontroll parlamentar mbi SPAK-un dhe institucionet e tjera të pavarura.

Kjo është ajo që ka kërkuar Lindita Nikolla në Shëngjin dhe duket se kryeministri ka filluar ta artikulojë edhe vetë në dy rastet e fundit, të cilat CNA i ka raportuar si lajme ekskluzive dhe nga burime zyrtare brenda këtyre mbledhjeve ku kryeministri është dukur mjaft i tensionuar./CNA 

 

 





Lajmet e fundit nga