web counter
LEXO PA REKLAMA!

SHKARKO APP

App Store
Google Play

Marrëveshja me Italinë/ Protestë para Gjykatës Kushtetuese

18 Janar 2024, 10:32, Aktualitet CNA
Marrëveshja me Italinë/ Protestë para Gjykatës Kushtetuese
Protesta para Gjykatës Kushtetuese

Disa të rinj nga Lezha po protestojnë sot para Gjykatës Kushtetuese, teksa po diskutohet marrëveshja me Italinë për emigrantët.

Ata janë kundër ngritjes së një kampi për refugjatët në Shëngjin, ashtu siç edhe e përcaktonte marrëveshja e lidhur mes kryeministrit Edi Rama dhe homologes së tij, Meloni.

Të rinjtë kërkuan njëzëri shfuqizimin e marrëveshjes, pasi sipas tyre ishte antikushtetuese dhe precedent i rrezikshëm.

Në Gjykata Kushtetuese sot po shqyrtohet kërkesa e 30 deputetëve të opozitës, të grupit të Berishës dhe të Bardhit, që kërkojnë shfuqizimin e marrëveshjes. Seanca po zhvillohet me dyer të mbyllura. 

Më 6 nëntor, kryeministri i Shqipërisë, Edi Rama, dhe homologia e tij italiane, Giorgia Meloni, nënshkruan marrëveshje, sipas së cilës, Italia do të dërgojë në Shqipëri emigrantët që shpëton në Detin Mesdhe, ndërsa Italia do të financojë ngritjen e qendrave për pritjen e tyre.

Marrëveshja do të nisë së zbatuari pranverën e vitit të ardhshëm.

Sipas protokollit të publikuar nga qeveria shqiptare, Italia do të depozitojë 16.5 milionë euro në një llogari të posaçme të Thesarit të Shqipërisë, si paradhënie për strehimin e emigrantëve.

Rama ka nënvizuar se asnjë emigrant nuk do të qëndojë në Shqipëri, por do të respektohet afati i kontratës./CNA 

 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga