web counter
LEXO PA REKLAMA!

SHKARKO APP

App Store
Google Play

E fundit!

x

Zona e "Don Boskos" pa energji/ OSHEE nuk jep sqarime

24 Janar 2024, 11:38, Aktualitet CNA
Zona e "Don Boskos" pa energji/ OSHEE nuk jep sqarime
Foto ilustruese

Që prej mbrëmjes se djeshme zona që ndodhet në krahun e djathtë të rrugës "Don Bosko", vuan mungesën e energjisë elektrike. Askush nga OSSHEE, “e majmur” me pagesat e klientëve, nuk sqaron arsyen.

Shërbimet e klientëve të OSHEE-së, si përherë në të tilla raste, kanë zgjedhur të mos denjojnë të çojnë telefonin, kështu që gjithçka mbetet enigmë.

Si pasojë e mungesës së energjisë, mijëra familje të kësaj zone të "Don Boskos" vuajnë jo vetëm mungesën e energjisë, por edhe të ujit të pijshëm ngaqë nuk funksionojnë pompat.

Nuk është hera e parë që ndodh që qytetarët t’i lënë në errësirë. Banorët e zonës shprehen se janë ankuar për këtë situatë, por deri më tani nuk ka asnjë zgjidhje.

“Njëherë na thonë transformatori, njëherë e ka fajin shkolla 'Qazim Turdiu'. Zona ngjitur me ne ka përherë, ne jo”, ankohen të revoltuar banorët.

Banorët shprehen se kjo situatë u ka shkaktuar edhe dëme në aparatet elektroshtëpiake.

"OSHEE ka gjithmone të drejtë, klientët kurrë", shprehet Ismail B., banor i pallatit 28./CNA





Lajmet e fundit nga