web counter
LEXO PA REKLAMA!

SHKARKO APP

App Store
Google Play

E fundit!

x

Çështja "McGonigal"/ PD, thirrje SPAK-ut: Hetoni Edi Ramën

23 Janar 2024, 16:06, Politikë CNA
Çështja "McGonigal"/ PD, thirrje SPAK-ut: Hetoni Edi
Selia blu

Partia Demokratike ka reaguar pas shkrimit të publikuar nga "Zëri i Amerikës" me titull "Çështja McGonigal, shqiptaro-amerikani Nezaj, për mbi 6 orë në Prokurorinë e Posaçme". 

Sipas selisë blu, “Zëri i Amerikës” zbulon gënjeshtrën e Ramës dhe fakton si ai korruptoi McGonigal-in. PD i bën apel SPAK-ut të thërrasë Ramën për të dëshmuar pas Agron Nezës.

Reagimi i plotë:

Zëri i Amerikës, media zyrtare e qeverisë amerikane, në një lajm të djeshëm për thirrjen në SPAK të Agron Nezës, denoncon si gënjeshtar Edi Ramën, dhe vërteton se ai korruptoi Charles McGonigal për të luftuar opozitën. Zëri i Amerikës bën kronologjinë e ngjarjeve që lidhen me përpjekjet e McGonigal për të dëmtuar Partinë Demokratike, i shtyrë nga Rama. Sipas VOA, lobisti amerikan Nick Muzin depozitoi me 14 nëntor 2017 në Departamentin e Drejtësisë dokumentin mbi aktivitetin lobues në favor të PD.

Më 22 nëntor, BIRN, bëri publik faktin se Muzin kishte deklaruar marrjen e 500 mijë dollarëve nga Partia Demokratike. Pak ditë më vonë, më 25 nëntor, Charles McGonigal informoi Departamentin e Drejtësisë mbi këtë rast me informacione të marra nga Dorian Duçka. Në janar 2018, ish zyrtari i FBI-së, merr sërish informacion për çështjen nga Agron Neza. Sipas aktakuzës amerikane, Neza e mori këtë informacion nga zyra e kryeministrit Rama.

Gënjeshtra e Ramës u bë në Kuvend vitin e shkuar, kur ai kërkoi të shpëtojë duke thënë se zyra e tij nuk kishte informacione, përveç atyre që kishin dalë në media. Fakti është, siç thekson Zëti i Amerikës, se në atë kohë në media nuk ishte folur për financimet ruse. Ato u ngritën si çështje vetëm në mars të vitit 2018, në një shkrim të revistës amerikane “Mother Jones”. Gënjeshtra që zbulon Zëri i Amerikës është, në fakt, thelbi i përpjekjeve të Ramës për të shpëtuar veten nga implikimi në dosjen McGonigal. Paratë që ka marrë McGonigal nga Agron Neza, janë paratë që Rama ka paguar për të sulmuar Partinë Demokratike.

Zëri i Amerikës, duke iu referuar prokurorëve amerikanë, thekson se “i pandehuri ishte betuar se do të hetonte dhe parandalonte krimet kundër Shteteve të Bashkuara dhe jo t'i kryente ato”.
A nuk vlen e njëjta gjë edhe për Edi Ramën, ende të pahetuar nga SPAK? Ai po kryen krime kundër interesit publik për të dëmtuar opozitën dhe duke korruptuar zyrtarë të lartë të qeverive aleate. SPAK, pse nuk vepron?/CNA 

 





Lajmet e fundit nga