web counter
LEXO PA REKLAMA!

SHKARKO APP

App Store
Google Play

E fundit!

x

Kurti, bisedë me Ramën në Shkup/ Mesazhi i kryeministrit të Kosovës

23 Janar 2024, 11:11, Politikë CNA
Kurti, bisedë me Ramën në Shkup/ Mesazhi i kryeministrit të
Edi Rama, Albin Kurti dhe Arben Taravari

Liderët e Ballkanit Perëndimor u mblodhën një ditë më parë në Shkup të Maqedonisë së Veriut, për të marrë pjesë në punimet e konferencës së Bashkimit Evropian për rritje ekonomike të rajonit.

Së fundmi, kryeministri i Kosovës, Albin Kurti, ka publikuar disa fotografi në rrjetet sociale, ku shfaqet duke biseduar dhe qeshur me kryeministrin Edi Rama. Mesa duket "akulli" mes tyre është thyer.

Ata shfaqen duke biseduar edhe kokë më kokë me njëri-tjetrin. Nuk mungon edhe një mesazh nga Albin Kurti, i cili thekson se duhet të jenë në krah të njëri-tjetrit për zhvillimin, demokratizimin, reformën, progresin dhe mirëqenien e vendeve. 

"Në Shkup, në margjina të konferencës së liderëve të rajonit për Planin e Rritjes së BE-së, bashkë me kryeministrin Rama takuam dhe bashkëbiseduam me Arben Taravarin, Kryetarin e Aleancës për Shqiptarët. Shqiptarët më shumë sesa fat, e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje. Sfidat shpesh i kemi të ngjashme e të përbashkëta. Shërbimin ndaj qytetarëve duhet përherë ta kemi qëllim të palëkundur të angazhimit politik. E në rrugë e sipër na duhet të jemi krah për njëri-tjetrin, për zhvillim, demokratizim, reformë, progres dhe mirëqenie", shprehet Kurti në një postim në "Facebook"./CNA 





Lajmet e fundit nga