web counter
LEXO PA REKLAMA!

SHKARKO APP

App Store
Google Play

Bushati: 21 Janari, njollë turpi në historinë e Shqipërisë

21 Janar 2024, 21:19, Politikë CNA
Bushati: 21 Janari, njollë turpi në historinë e
Ish-ministri i Jashtëm, Ditmir Bushati

Ish-ministri i Jashtëm, Ditmir Bushati e cilëson 21 Janarin e 2011-ës si një njollë turpi në historinë e Shqipërisë.

Në një reagim në rrjetet sociale, Bushati thotë se kjo vrasja e protestuesve nxori nga skutat instikte primitive të politikanëve dhe televizioneve që u vunë në garë për të mbrojtur krimin shtetëror.

Ai deklaron se për 21 Janarin mungon drejtësia, ndërsa thekson se mungesa e drejtësisë peshon mbi ndërgjegjjen tonë si shoqëri.

“21 Janari i vitit 2011 mbetet një njollë turpi në historinë e Shqipërisë. Përveçse tragjik për fatin e katër protestuesve, 21 Janari i vitit 2011, nxori nga skutat e ndërgjegjjes njerëzore instikte primitive, ku politikanë, propagandistë e televizione kombëtare u vunë në garë për të mbrojtur krimin shtetëror, duke relativizuar jetët njerëzore të humbura, e duke tentuar përmbysjen e hierarkisë së vlerave që janë indi lidhës i çdo shoqërie.

Drejtësia e munguar peshon jo vetëm mbi familjarët e protestuesve të vrarë, por edhe mbi ndërgjegjjen tonë si shoqëri. Në mënyrë që e drejta të kërkohet edhe kundër vetë shtetit, nuk mjaftojnë veç magjistratë me integritet, në gjendje për të dhënë drejtësinë e munguar. Duhet që secili të bëjë atë që ka për detyrë të bëjë, për të kontribuar në një qeverisje më të ndershme e më të drejtë. Sepse drejtësia para së gjithash është frymë qeverisje.

I përjetshëm qoftë kujtimi i Aleks Nika, Ziver Veizi, Hekuran Deda, Faik Myrtaj”, nënvizon ish-ministri./ CNA

 





Lajmet e fundit nga