web counter
LEXO PA REKLAMA!

SHKARKO APP

App Store
Google Play

E fundit!

x

Rama homazhe për "21 Janarin", i drejtohet SPAK-ut: Presim nisje të hetimeve

21 Janar 2024, 10:48, Politikë CNA
Rama homazhe për "21 Janarin", i drejtohet SPAK-ut: Presim nisje
Edi Rama

Kryeministri Edi Rama, gjatë homazheve të zhvilluara për 4 viktimat e "21 Janarit", u shpreh se tani presim nga SPAK-u që të nisë hetimet për këtë dosje, pas zvarritejeve disavjeçare. 

Ai e quajti këtë ngjarje një krim shtetëror dhe tha se hetimet janë zvarritur për shkak të problemeve apo ndërhyrjeve në sistemin e drejtësisë. 

"Shenja tjetër e zgjimit të drejtësisë është veprimtaria e Prokurorisë dhe Gjykatës së Posaçme, e cila së fundmi ka hyrë në një fazë të re kuptimplotë duke thyer më në fund akullin e shtresëzuar prej 100 e kusur vitesh mes shtetit shqiptar dhe drejtësisë. Mes të dyjave qëndron sot një datë e shpallur nga Gjykata e Lartë e Shqipërisë, 27 shkurt 2024, do të marrim vesh nëse dosja e gjakut të 21 janarit do t'i kalojë për shqyrtim SPAK-ut për të hapur për së mbari hetimin për krimin shtetëror. SPAK dhe Gjykata e Posaçme po japim prova inkurajuese se drejtësia në këtë vend është e mundur. Pjesë të tjera të gjymtyrëve të drejtësisë janë në gjumë dhe aty zverdhen dosje. Prokuroria e rrethit Gjyqësor të Tiranës është një nga këto gjymtyrë", u shpreh Rama. 

Sot shënohen 13 vite nga ngjarja e rëndë, ku katër persona u vranë në bulevardin "Dëshmorët e Kombit" e shumë të tjerë u plagosën.

Më 21 janar të 2011, Aleks Nika, Ziver Veizi, Hekuran Deda dhe Faik Myrtaj mbetën të vrarë gjatë protestës së opozitës.

Më 21 janar, opozita e atëhershme, sot në qeveri, protestoi para Kryeministrisë. Protesta degradoi në dhunë dhe përplasje ndërsa nga brenda Kryeministrisë u hap zjarr duke sjellë edhe bilancin tragjik me katër viktima.

Tubimi ndodhi pas publikimit të një videoje në emisionin "Fiks Fare", ku Ilir Meta, atë kohë zëvendëskryeministër në qeverinë Berisha, shfaqej me një bllok të zi në dorë, duke bërë pazare me ish-ministrin e ndjerë, Dritan Prifti./CNA 





Lajmet e fundit nga