web counter
LEXO PA REKLAMA!

SHKARKO APP

App Store
Google Play

E fundit!

x

Përplasja për “Zgjedhoren”/ Spiropali: Komisionet s’janë për përballjen e cepërve brirë më brirë

19 Janar 2024, 22:26, Politikë CNA
Përplasja për “Zgjedhoren”/ Spiropali: Komisionet
Ministrja për marrëdhëniet me Parlamentin, Elisa Spiropali

Ministrja për marrëdhëniet me Parlamentin, Elisa Spiropali, ka reaguar për përplasjet në mbledhjen e Komisionit të Reformës Zgjedhore, që dërguan në ndërprerjen e saj.

Me anë të një statusi në rrjetet sociale, Spiropali deklaron se komisionet nuk ngrihen për t’u përballur cjepërit brirë më brirë, por për të dialoguar kundërshtarët politikë në kërkim të kompromiseve.

Ajo shprehet se socialistët do të mirëpresin çdo ide apo platformë alternative nga të gjithë deputetët, por thekson se edhe PS ka idetë e veta.

“Nëse Komisioni i Reformës Zgjedhore është “instrument për t’u përballur me këtë qeveri dhe këtë kryeministër”, atëherë kush e mendon pa teklif kështu ka dy rrugë:

Ose të përgatitet që tani për dështimin e afërt në këtë “përballje” - e bashkë me dështimin të përballet edhe me mbylljen e epokës së komisioneve bipartizane për reforma zgjedhore - ose të ndryshojë pa humbur kohë konceptimin e gabuar të një instance të tillë, duke e kuptuar tani, shpejt, se komisionet e ngritura për produkte ligjore konsensuale, nuk ngrihen për t’u përballur cjepërit brirë më brirë, po për të dialoguar kundërshtarët politikë në kërkim të kompromiseve të pranuara nga palët e përfshira në komision.

Partia Socialiste mirëpret çdo ide apo platformë alternative të të gjithë deputetëve, që nuk i drejtohen komisionit në fjalë nga ballkoni apo nga gryka e bilbilave, por askush nuk bën mirë ta harrojë se edhe Partia Socialiste ka idetë e veta.

Ndërsa përballjen me këtë qeveri dhe këtë kryeministër, opozitat e disata që kemi në parlamentin e sotëm të karrigeve përmbys, flakadanëve tymhava apo gjumashëve kokëvarur, do ta kenë në qershorin e vitit të ardhshëm. Jo në komisionin e reformës zgjedhore. E patjetër që do të kenë mundësinë ta realizojnë dhe ta shijojnë deri në fund, siç e kanë realizuar dhe shijuar në 8 përballjet e fundit zgjedhore që nga viti 2013”, shkruan ministrja./ CNA





Lajmet e fundit nga