web counter
LEXO PA REKLAMA!

SHKARKO APP

App Store
Google Play

E fundit!

x

CNA zgjon Bashën/ Luli, pro SPAK-ut

19 Janar 2024, 17:44, Politikë CNA
CNA zgjon Bashën/ Luli, pro SPAK-ut
Lulzim Basha

CNA ka denoncuar prej dy ditësh skemën e Partisë Socialiste për të kontrolluar SPAK-un, duke thirrur në raport për hetimet kreun e këtij institucioni, Altin Dumanin.   

Denoncimi i CNA ka zgjuar këtë të premte Lulzim Bashën, i cili ka dalë krah SPAK-ut.

Në një konferencë për mediat, Basha tha se kjo skemë e Ramës për të kontrolluar e goditur SPAK dhe Reformën në Drejtësi është përdorur edhe në Rumani.

Ai deklaroi se do të jetë 100 % kundër kësaj nisme, duke theksuar se SPAK po godet korrupsionin.

“Çështja e dytë është tentativa e Ramës dhe PS në shkollën më të keqe të paraardhësve të tyre rumunë, për t’i prerë krahët SPAK dhe Reformës në Drejtësi.

Tani që SPAK po godet korrupsionin, qeveria po nxjerr nga sirtarët një qasje, të përdorur në Rumani, për të kontrolluar dhe goditur SPAK dhe Reformën në Drejtësi, përmes një komisioni të ashtuquajtur për të drejtat e njeriut, që shkelen nga institucionet e drejtësisë.

Do doja që ky informacion të ishte i gabuar, nëse një çështje e tillë është diskutuar në nivelet e larta të politikbërësve socialistë, dua t’i siguroj ata dhe publikun shqiptar se PD do ta kenë 100 % kundër kësaj nisme. Manovrat nuk na ndalin asnjëherë”, nënvizoi Basha./ CNA





Lajmet e fundit nga