web counter
LEXO PA REKLAMA!

SHKARKO APP

App Store
Google Play

E fundit!

x

Ambasadat alarmohen pas tentativës së Ramës për të kontrolluar SPAK-un

18 Janar 2024, 13:31, Aktualitet CNA
Ambasadat alarmohen pas tentativës së Ramës për të
Altin Dumani me ambasadorët

Deklaratat e fundit të kryetares së Kuvendit, Lindita Nikolla, dhe kreut të Grupit Parlamentar të Partisë Socialiste, Bledi Çuçi, ndaj SPAK-ut, kanë shkaktuar jo pak reagime nga ndërkombëtarët. 

CNA ka mësuar se Nikolla në mbledhjen informale që kryeministri zhvilloi në Shëngjin në datat 9 dhe 10 janar me ministrat e tij dhe me disa nga drejtuesit politikë, theksoi se parlamenti duhet të kontrollojë SPAK-un dhe se duhet të gjendet një mënyrë që këtij institucioni t'i vendosen frena.

Ashtu siç edhe mësoi CNA, Nikolla nënvizoi gjatës mbledhjes me socialistët se duhet patjetër një kontroll parlamentar mbi SPAK-un dhe institucionet e tjera të pavarura.

Por, nuk ka munguar edhe një reagim nga Bledi Çuçi në rrjetet sociale. Në datën 15 janar në një postim në "Facebook", teksa reagoi për mbledhjen e parë të Grupit Parlamentar të PS-së, ndër të tjera, shkroi edhe një fjali: "Të gjejmë mekanizmat për të kontrolluar institucionet e pavaruara në kuadër të integrimit në BE".

Mesa duket Çuçi kërkon që të zbatohet skema e kontrollit mbi SPAK-un dhe kërkon të gjejë shpikje se ky institucion mund të kontrollohet nga një Komision i Përkohshëm Parlamentar.

Për këtë komision sigurisht që është gjetur edhe "vullnetari i Enverit", i cili është i gatshëm të bëjë kamikazin për të luftuar me institucionet e drejtësisë së re.

Për këto janë alarmuar trupat diplomatike. 

Dje, nëpërmjet dy deklaratave të njëpasnjëshme, një nga ambasada gjermane në Tiranë dhe ambasada e BE-së, i kanë qëndruar përballë qeverisë, duke thënë se Altin Dumani dhe SPAK-u kanë mbështetjen e të gjithë zyrtarëve të Bashkimit Evropian dhe të insitucioneve diplomatike në Tiranë, në luftën kundër krimit dhe korrupsionit.

Pra, një përgjigje e drejtpërdrejtë pas deklaratave të Lindita Nikollës, Bledi Çuçit dhe qëndrimeve të mbajtura së fundmi nga kryeministri Rama./CNA 

Ambasadat alarmohen pas tentativës së Ramës për të
Altin Dumani dhe Silvio Gonzato

 





Lajmet e fundit nga