web counter
LEXO PA REKLAMA!

SHKARKO APP

App Store
Google Play

E fundit!

x

Siriani lëvizte me makinën e efektivit të antidrogës, kapet me kokainë

18 Janar 2024, 12:53, Aktualitet CNA
Siriani lëvizte me makinën e efektivit të antidrogës, kapet
Foto ilustruese

Agjencia e Mbikëqyrjes Policore ka arrestuar në flagrancë 27-vjeçarin me iniciale W.H. si person i dyshuar për kryerjen e veprës penale “Prodhim dhe shitje e narkotikëve”. 

Ndërkohë kanë nisur hetimet në gjendje të lirë për nënkomisarin  H.P., me detyrë Specialist në Seksionin kundër Narkotikëve në Shkodër. 

Nga hetimet rezultoi se më 15 janar, shtetasi W.H., me kombësi siriane ishte duke qarkulluar në Tiranë me automjetin në pronësi të punonjësit të policisë H.P.

Gjatë kontrollit personal iu gjet e sekuestrua kokainë. 

Njoftimi i plotë: 

Agjencia e Mbikëqyrjes Policore (Rajoni Tiranë) ka arrestuar në flagracë shtetasin W.H., 27 vjeç, si person i dyshuar për kryerjen e veprës penale “Prodhim dhe shitje e narkotikëve” e kryer në bashkëpunim, si edhe ka proceduar në gjendje të lirë punonjësin e policisë N/Komisar H.P., me detyrë Specialist në Seksionin kundër Narkotikëve në DVP Shkodër.

Procedimi penal në ngarkim të tyre ka nisur pasi në datë 15 janar, rreth orës 19:30, shtetasi W.H., me kombësi siriane e shtetësi shqiptare, me precedentë të mëparshëm kriminal, është konstatuar nga shërbimet e Komisariatit të Policisë Nr. 1 Tiranë duke qarkulluar me automjetin në pronësi të punonjësit të policisë H.P., e gjatë kontrollit personal iu gjet e sekuestrua në cilësinë e provës materiale një sasi lënde narkotike e dyshuar kokainë. Vijojnë hetimet për identifikimin e personave të tjerë të përfshirë, si dhe rolin e punonjësit të policisë H.P./CNA 





Lajmet e fundit nga