web counter
LEXO PA REKLAMA!

SHKARKO APP

App Store
Google Play

E fundit!

x

Rama “përgëzon” Begajn/ Ironizon Metën dhe opozitën për Komisionet Hetimore

18 Janar 2024, 17:49, Politikë CNA
Rama “përgëzon” Begajn/ Ironizon Metën dhe
Kryeministri Edi Rama

Kryeministri Edi Rama ka reaguar pasi Presidenti Bajram Begaj dekretoi ligjin për Komisionet Hetimore.

Me anë të një statusi në rrjetet sociale, Rama ironizon ish-presidentin Ilir Meta dhe thotë se ka përfunduar koha kur Kreu i Shtetit rrëzonte ligjet e miratuara nga mazhoranca.

Ai shprehet se kështu do të përfundojë edhe protesta e opozitës në Kuvend, ndërsa shprehet i vendosur për të mos bërë kompromis me opozitën.

“Ka perënduar me kohë koha politike kur Presidenti i Republikës bashkëudhëhiqte revolucionet imagjinare kundër qeverisë e në dëm të Shqipërisë, duke e përdorur Kushtetutën si koktej Molotov, siç do të mbarojë po njësoj, më shpejt se sa vonë, edhe ora e keqkuptimit të madh të politikës së ditës, mes punës mendore të parlamentarëve dhe aktivitetit fizik të tyre në sallën e Kuvendit të Shqipërisë!

Ky vend është në një kohë tjetër dhe ky vit është kyç për rritjen e mëtejshme të pagave, investimeve publike e atyre private, të brendshme a të huaja, turizmit që në 2023 arriti rekordin fantastik të 10 milionë vizitorëve nga jashtë, e me radhë në çdo aspekt drejt #Shqipërisë2030.

Prandaj Shqipëria s’ka asnjë sekondë për të humbur me askënd që vazhdon me orën e vjetër, duke kërkuar nëpër rrugicat e ngushta të Kuvendit a të zonës rreth tij, rikthimin e kohës së vdekur”, thekson kreu i qeverisë./ CNA





Lajmet e fundit nga