web counter
LEXO PA REKLAMA!

SHKARKO APP

App Store
Google Play

E fundit!

x

Gjekmarkaj: Berisha do bashkim, ka intuitë të ftohtë dhe të fortë politikani

17 Janar 2024, 22:30, Politikë CNA
Gjekmarkaj: Berisha do bashkim, ka intuitë të ftohtë dhe të
Agron Gjekmarkaj

Agron Gjekmarkaj ka dalë sërish krah ish-kryeministrit Sali Berisha, teksa foli për arrestin e shtëpisë dhe për situatën aktuale të opozitës.

Gjekmarkaj tha se masa e arrestit për Berishën ishte një shkelje e Kushtetutës me nuanca politike.

“Në rastin e zotit Berisha, mendoj unë, është shkelur me të dyja këmbët nenin 73 i Kushtetutës, kur u kërkua t’i kufizohej liria pa lejen e parlamentit.

Meqenëse zoti Berisha nuk e respektoi këtë vendim të gjykatës që binte ndesh me Kushtetutën e vendit, sjellja e organeve të drejtësisë ishte një sjellje inatçore dhe hakmarrëse, çka e shtyu parlamentit të bëhej noter i kësaj paligjshmërie.

Më vjen keq sepse Kuvendi është tempulli kryesor që duhet të mbrojë jo vetëm deputetët, por të gjithë garancitë e qytetarëve përballë çdokujt në vend”, u shpreh ai në Syri Tv.

Deputeti deklaroi se Berisha ka intuitë të ftohtë dhe të fortë politikani. Për këtë arsye, ai theksoi se është personi më i interesuar për bashkimin e opozitës.

“Për formulën e bashkimit, izolimi i zotit Berisha e bën pak më të vështirë bën skemën. Kjo sepse prania e tij dhe eksperienca që ai ka, të jep mundësinë të dialogësh nga afër.

Mendoj se ai është personi më i interesuar nga kushdo tjetër që PD të bashkohet, sepse e ka intuitën e ftohtë dhe të fortë të politikanit. Dhe ndoshta është pak më i mundur sesa inatet meskine dhe zemërimet që lindin mes të ngjashmëve mes tij, përfshi mua dhe të tjerë.

Ka njerëz që te bashkimi shohin mundësi zvogëlim mundësie për karrierat e tyre personale sepse mendojnë se u hap thasi i konkurrencës. Mirëpo ky zvogëlim pastaj e bën ende më të vogël PD-në në mbështetje popullore dhe imazh”, theksoi ai./ CNA





Lajmet e fundit nga