web counter
LEXO PA REKLAMA!

SHKARKO APP

App Store
Google Play

Përplasja me Bardhin, Açka: T'i drejtohet SPAK-ut për aludimet e tij

17 Janar 2024, 11:52, Politikë CNA
Përplasja me Bardhin, Açka: T'i drejtohet SPAK-ut për
Flutura Açka

Pas përplasjeve në mbledhjen e sotme të Komisionit të Medias, me Gazment Bardhin dhe Flamur Nokën, deputetja Flutura Açka u shpreh për mediat se parlamenti ka dalë jashtë funksionit. 

Sipas saj, veprimi i Flamur Nokës për të shkulur mikrofonin është një gjest pasi duan të shkaktojnë kaos.

Ajo u shpreh se ndien keqardhje për atë që ndodhi sot dhe iu drejtua Bardhit që të shkojë në SPAK për aludimet që ka ndaj saj. 

“Parlamenti ka dalë nga aksi, është jofunksional, e mendova si një gjest të parë, ta fillojmë këtë vit mbarë. Ka disa muaj që ne nuk e themi dot fjalën si opozitë. Ne kemi bërë beteja të mëdha në komision për media që drejtoj unë, sidomos ligji për Butrintin, që presim nga dita në ditë të marrim një përgjigje pozitive në të mirë të trashëgimisë kulturore. Sot përballem me një përplasje me kolegët e mi që mendojnë se ne duhet ta mbajmë në kaos parlamentin, e shih si një detyrë jo të mirë dhe jashtë detyrës sime dhe mos t’u tregoj qytetarëve shqiptarë se ku e ka plagën kjo qeveri. Kjo ka qenë arsyeja që kam vendosur si kryetare që këtë sesion ta japim me mbledhje fizike dhe të bëjmë opozitë po aq të ndershme sa opozita në formë proteste. Kam keqardhje të madhe, është një përplasje që lidhet me kolegët tanë. E kam për aludimet e hapura, i bëj thirrje Bardhit dhe kujtdo tjetër që mendon në raport me mua dhe kolegët e tjerë t'i drejtohen SPAK-ut, çfarëdo iluzioni që mund t’i drejtohet opinionit publik që në të shumtën e herës cilësohen si retorikë politike, janë shumë të dëmshme në kampin opozitar. Kam keqardhje të madhe që nuk u përfshiva dot në buxhetin katastrofik. Shqiptarët nuk e morën vesh kurrë se çfarë buxheti katastrofik ka për arsimin dhe kulturën”, tha Açka./CNA 

 





Lajmet e fundit nga