web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi i Bashës me ndërkombëtarët/ Berisha: Parodi, tregoi shpërfytyrimin e tij

16 Janar 2024, 19:12, Politikë CNA

Mashtrimi i Bashës me ndërkombëtarët/ Berisha: Parodi,

Ditën e djeshme, Lulzim Basha gënjeu publikisht duke thënë se se kishte bashkëpunuar me ndërkombëtarët për të bindur Damian Gjiknurin e PS-së për reformën e rëndësishme. 

Ai falenderoi ndërkombëtarët për mbështetjen dhe ndërmjetësimin, por delegacioni i BE-së dhe ambasada amerikane përgënjeshtruan sot këto deklarata.

Për mashtrimin e hapur të Bashës reagoi nga protesta ish-kryeministri Sali Berisha.

Ky i fundit e cilësoi sërish Bashën si pengun e kryeministrit Edi Rama dhe tha se mashtrimi i djeshëm tregoi shpërfytyrimin e tij dhe shitjen te kreu i qeverisë.

“Shqipëria anë e kënd është e mbuluar sot nga velloja e zezë e krimit shtetërore, e krimit të shndërruar në pushtet. Sot ambasadorët e vendeve kryesore, përfshirë OSBE, reaguan me deklarata duke hedhur poshtë deklaratën e pengut të Edi Ramës, Lulzim Bravës.

Miqtë e mi!

Ajo deklaratë e tij tregonte se çfarë shpërfytyrimi, në ç’shkallë është shpërfytyruar ky njeri, i cili shitjen e tij te Edi Rama, aktet e tij të turpshme të diktuara nga pengmarrësi i tyre, kërkoi të ua paraqesë shqiptarëve si autorizim të ambasadorëve të vendeve kryesore në Tiranë. E vërteta është se ai bëri vetëm mashtrimin e radhës.

Nga ana tjetër të dashur miq, kjo parodi dëshmon edhe njëherë se me Edi Ramën zgjedhje nuk ka. Se me Edi Ramën ne veç se do të firmosim grabitjen e radhës të votës tonë. Në këtë aspekt, beteja juaj, beteja e demokratëve është jetike, vendimtare për shpëtimin e Shqipërisë”, theksoi Berisha./ CNA





Lajmet e fundit nga