web counter
LEXO PA REKLAMA!

SHKARKO APP

App Store
Google Play

Paskal Milo, rezerva për Begajn/ Veprimi i sotëm, i gabuar”

15 Janar 2024, 22:20, Politikë CNA
Paskal Milo, rezerva për Begajn/ Veprimi i sotëm, i gabuar”
Ish-ministri i Jashtëm, Paskal Milo

Ish-ministri i Jashtëm, Paskal Milo ka shprehur rezerva për presidentin Bajram Begaj, në lidhje me vajtjen e tij sot në seancën plenare.

Milo tha në emisionin e Çim Pekës se do ishte më pranueshme që Begaj të mos shkonte në Kuvend për shkak të përplasjeve të opozitës dhe mazhorancës në javët e fundit.

Ai deklaroi se veprimi ishte i gabuar, pasi përshëndetjen mund ta bënte edhe nga zyra e tij nëse do donte që të jepte një mesazh.

“Në gjykimin tim, Presidenti i Republikës nuk duhej të shkonte sot në Kuvendin e Shqipërisë. Presidenti dhe jo vetëm Begaj, por edhe presidentë të tjerë jo në çdo nisje sesioni parlamentar kanë qenë prezent në parlamentin e Shqipërisë, aq më tepër që dihej se cila ishte atmosfera e punimeve të Kuvendit gjatë javëve të fundit dhe do të ishte e këshillueshme që ai ta bënte përshëndetjen, por duke mos shkuar në Kuvend.

Unë mendoj se ai e ka patur si objektiv ta bënte një përshëndetje të tillë ta bënte nga zyra e tij, por në momentin e fundit e mora vesh që do të shkonte në Kuvend.

Nuk po flasim për përmbajtjen e mesazhit sepse këto lloj mesazhesh në hapjen e sesionit janë konsensuale dhe përgjithësisht kjo është gjuha që përdorin presidentët në këtë rast në adresimin e mesazheve të tyre. Por momenti që u zgjodh për të vajtur atje nuk qëndron, ishte i gabuar”, theksoi Milo./ CNA

 





Lajmet e fundit nga