web counter
LEXO PA REKLAMA!

SHKARKO APP

App Store
Google Play

E fundit!

x

Veliaj ironizon PD-në/ “Nga një parti që drejtonte vendin, përfundoi te një dritare”

15 Janar 2024, 20:13, Politikë CNA
Veliaj ironizon PD-në/ “Nga një parti që drejtonte vendin,
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ironizoi opozitën për protestat që zhvillon në rrugën “Mustafa Matohiti”, poshtë shtëpisë ë ish-kryeministrit Sali Berisha.

Gjatë fjalës së tij në 32-vjetorin e FRESSH-it, Veliaj tha se opozitës i hyri vetja në qejf dhe tani sipas tij ka përfunduar në vetëm një dritare.

Ai deklaroi se opozita është tkurrur nga një parti që drejtonte Shqipërinë në një grup njerëzish.

“Nuk janë çështje reale kush e ka radhën te turni te rrugica, por kush gëzohet sepse kundërshtarët tanë janë në këtë derexhe bënë një gabim të madh. Kundërshtarët tanë pësuan atë mallkimin që thonë të parët tanë, “të hyptë vetja në qejf”. Ju kujtohet në vitin 2013 kishin gjithë Shqipërinë, në vitin 2015 kishin Tiranën, në vitin 2017 kishin bulevardin. Ju kujtohen çadrat dhe historitë e tjera. Pastaj kishin oborrin, tani kanë një rrugicë dhe nga një rrugicë po kthehen në një dritare.

Unë besoj se mësimi më i madh nuk është gëzimi se si kokoshi u kthye në një thelë, se si nga një parti që drejtonte Shqipërinë, ishte në çdo qelizë të vendit, përfundoi te një qytet, pastaj te një bulevard, pastaj te një rrugicë, pastaj te një dritare. Ai në fakt është një këmbanë alarmi që një parti që nuk hapet, që nuk reformohet, është e destinuar të degradojë”, theksoi kryebashkiaku socialist./ CNA





Lajmet e fundit nga