web counter
LEXO PA REKLAMA!

SHKARKO APP

App Store
Google Play

Begaj “mollë sherri”/ Shkullaku “përplaset” me Paskal Milon

15 Janar 2024, 22:13, Politikë CNA
Begaj “mollë sherri”/ Shkullaku “përplaset” me
Amand Shkullaku dhe Paskal Milo

Presidenti Bajram Begaj ka qenë “molla e sherrit” në një debat të zhvilluar mbrëmjen e sotme ndërmjet gazetarit Amand Shkullaku dhe ish-ministrit të Jashtëm, Paskal Milo.

Shkullaku tha në emisionin e Çim Pekës se Begaj nuk duhet të shkonte sot në Kuvend dhe ngriti pretendimet se Kreu i Shtetit po përdoret nga kryeministri Edi Rama.

“Ne e kemi për detyrë jo vetëm ta etiketojmë, por edhe ta deligjitojmë. Nëse ti je përfaqësues i gjithë shqiptarëve t’i nuk mund të bësh atë akt që ai bëri sot. Të shkojë presidenti në Parlament dhe të mos flasë dot, unë mendoj se është fundi i një shteti.

Nga informacionet që kam, unë mendoj se presidenti po përdoret nga Edi Rama dhe ja mori edhe dekoratat. Kur ne shikojmë që një njeri që ka kapur të gjithë institucionet ka kapur dhe presidencën dhe e përdor. Kjo është shumë e rëndë. Faj ka edhe ai që përdoret”, u shpreh ai.

Por, Milo kundërshtoi gazetarin, duke deklaruar se ai po tejkalon masën e vlerësimit.

“Nuk është e drejta juaj që të mos tejkaloni, jo masën e kritikës, por masën e vlerësimit me një terminologji që nuk është aspak e pranueshme. Kryetarit të shtetit nuk mund ti thuash ashtu, mund ti thuash që e ka gabuar, ti thuash që e ke gabim”, theksoi ish-ministri./ CNA





Lajmet e fundit nga