web counter
LEXO PA REKLAMA!

SHKARKO APP

App Store
Google Play

E shpërbleu me post ministri/ Blendi Gonxhja “mbyt” Ramën me lajka

15 Janar 2024, 22:38, Politikë CNA
E shpërbleu me post ministri/ Blendi Gonxhja “mbyt” Ramën
Blendi Gonxhja

Kryeministri Edi Rama, pak ditë më parë shpërbleu mikun e tij, Blendi Gonxhen me një post ministri, duke e rritur në detyrë nga posti që kishte si drejtor i Drejtorisë së Përgjithshme të Shërbimeve të Transportit Rrugor. 

Rama largoi Elva Margaritin, shkriu Ministrinë e Kulturës dhe krijoi Ministrinë e Ekonomisë, Kulturës dhe Inovacionit, në krye të së cilës vendosi Gonxhen.

Mbrëmjen e sotme, Blendi Gonxhja ka thurur lajka për mikun e tij.

Ai tha në emisionin e Blendi Fevziut se Ramën e ka pasur pedagog dhe për klasën e tij, pretendoi se kryeministri ka qenë frymëzim.

“Jam njohur në vitin e parë të universitetit, të shkollës së arteve. Ai ishte pegadog, ishte frymëzues i klasës, i auditorit, i ambjenteve tona. Kërkonim ndryshime ekonomike në vend, politika të reja ekonomike”, u shpreh ai.

Ministri i Ekonomisë, Kulturës dhe Inovacionit deklaroi se miqësia e tyre nisi për shkak se të dy donin të ndryshonin realitetin.

“Nuk është miqësor në kuptimin e një miqësie të pavarur nga ambientit. Ambienti ynë, arti jetesa, kushtet e vështira. Ne donim të ndryshonim realitetin.

Mbaj mend një herë që vraponim nëpër Tiranë pas IFA-ve të shpërndarësve të furnizimimeve të MAPO-ve dhe ku atletet si modë thonin që do i çonim në një një MAPO dhe i çonin në një tjeter, që të mos vërshonin njerëzit. Dhe në 2 të natës, vraponim për të parë se ku do të shkonin atletet”, theksoi Gonxhja./ CNA





Lajmet e fundit nga